Matalikilo 43:34 - Baibo Busansulushi Bwa Libuku Ili

³⁴ Shakulya shakaabwa kuswa kutebulu yakwe Josefu alimwi Benjameni wakaabilwa shiinji cakwiinda sha bamwi boonse mankanda osanwe. Mpeeke bakalya akunwa cakusekelela aJosefu.

Matalikilo 43:34 ပူးပေါင်းရင်းမြစ်များ

Matalikilo 35:24

Bana bakwe Lakelo nguJosefu alimwi aBenjameni.

Matalikilo 45:22

Wakabapa ashakufwala shimwi, aumwi aumwi comwi. Sombi Benjameni wakamupa maali asilifa ali myaanda yotatwe ashakufwala shimwi shosanwe.

2 Samwelo 11:8

Kuswawaawo Defedi wakaambila Uliya ayi, “Koya kuŋanda yako ukookeshe. Mpeeke Uliya wakaswa muŋanda ya bwaami iyo. Pesule mwaami Defedi wakatumina Uliya cipo.”

Tushimpi 31:6

Bwalwa bupe baabo batooya kulufu, ee, waini upe baabo bali mubuumba.

Shikushimikila 10:19

Kusekelela kulalengesha kuseka, waini ulasangalasha moyo, sombi maali ngaaleta shoonse ishi.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Abakuku 1:6

Ntoonyamuna bene Babiloni, ee, bantu balya bakali alimwi batacite nkumbu. Mbantu abo bamana cishi coonse kweenda kwaamba ayi bakome misena iteshi yabo.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Joni 2:10

akumwaambila ayi, “Bantu boonse balataanguna kwaaba waini ubotu, kuswawaawo nkokunwa waini utabete kabotu, sombi webo walinga kubikitebo waini ubotu kushikila cino ciindi.”

1 Samwelo 1:5

Ono mukwiinga wakalinga kusuni Aana abuumbi, lakwe wakalinga kumupa shipansha shobilo nakubi kwaamba ayi Mwaami Lesa wakeemika lushalo lwakwe.