Matalikilo 42:6 - Baibo Busansulushi Bwa Libuku Ili

⁶ Josefu, uyo wakalinga ngomweendeleshi wa cishi ca Ijipiti, ngowakalinga kuulisha shakulya kubantu bakalinga kuswa kushishi shimwi shoonse. Aboobo bamakwabo bakesa bafukama kuli nguwe cakushisha shiwa panshi.

Matalikilo 42:6 ပူးပေါင်းရင်းမြစ်များ

Matalikilo 18:2

wakeenamuka akubona bantu botatwe kabeemfwi pafwaafwi bulya. Ndyaakababonabo wakabacicilila kwaamba ayi abaanshe. Wakafukama akushisha ciwa panshi,

Matalikilo 19:1

Baanjelo bobilo ndibakesa muSodoma macolesha, Loti wakalinga kushiite pamwinjililo wa ndabala inene iyo. Ingayi ababonebo wakanyamuka waya mukubaansha. Wakafukama akushisha ciwa panshi kunembo lyabo

Matalikilo 33:3

Jakobo wakatanjila kunembo akufukama akushisha ciwa panshi mankanda osanwe aobilo kaaya kumukwabo.

Matalikilo 41:43

Wakamupa acikoci ca maaki cabili mubwaami kwaamba ayi anokweendelaamo. Mpeeke basankwa bakaya kunembo akoolobesha ayi, “Amushiye nshila! Amushiye nshila!” Munshila iyo Josefu mbwaakabikwa kuba mweendeleshi wa cishi ca Ijipiti.

Matalikilo 41:54

Lyalo myaaka yosanwe ayobilo ya nsala yakatalika, bweenka bwakaamba Josefu. Nsala iyo yakaba amushishi shimwi shoonse, sombi moonse muIjipiti mwakalinga shakulya.

Matalikilo 41:57

Bantu bakesa kuIjipiti kuswa mucishi ca panshi coonse kwisa mukuula witi kuli Josefu, mukwiinga nsala yakakalala koonse koonse.

Matalikilo 44:14

Juda abamakwabo ndibakashika kuŋanda yakwe Josefu, bakamucanaako. Mpomunyaawo bakaya bafukama kunembo lyakwe.

Matalikilo 45:26

Mpeeke bakamwaambila ayi, “Josefu ucili muumi! Ngumweendeleshi wa cishi ca Ijipiti coonse.” Jakobo wakacatwa citu, aboobo taakwe kukonsha kubashoma.

Matalikilo 45:8

Aboobo teshi ndimwe mwakantuma kokuno, sombi nguLesa. Wakanengesha kuba muntu wacinenenene ukonkela Falawo mubweendeleshi. Ndime nyendelesha ŋanda yakwe yoonse, alimwi ndimweendeleshi wa cishi coonse ca Ijipiti.

Matalikilo 48:12

Lyalo Josefu wakabakusha pamubili pali Jakobo akufukama kunembo lyakwe cakushisha ciwa panshi.

Tushimpi 11:26

Bantu balashingana muntu ukasha kuulisha shili anga ngamaila, sombi balalumbaisha muntu uyo ushuulisha.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Milimo ya Batumwi 7:10

akumufuna mumapensho oonse ngaakalinga kubaawo. Josefu ndyaakaboneka kuli Falawo mwaami wa kuIjipiti, Lesa wakamupa busongo ubo bwakalengesha ayi Falawo amusuune. Paceebo ceeco Falawo wakamubika ayi abe mweendeleshi wa cishi cakwe alimwi aŋanda yakwe.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

1 Samwelo 20:41

Mwanike ndyaakaya, Defedi wakanyamuka kuswa kulubasu lwakumalenge a mulwi wa mabwe akufukamina Jonasani mankanda otatwe cakushisha ciwa panshi. Kuboolaawo bakafyontana akulila buumpute boonse bobilo. Nakubi boobo Defedi wakeendaawo kulila.