Matalikilo 42:28 - Baibo Busansulushi Bwa Libuku Ili

²⁸ Mpeeke wakoolobesha kubamakwabo ayi, “Maali angu ndabooshelwa. Anaaya mulisaka lyangu!” Bakatilimuka abuumbi, alimwi muboowa bakeepushanya ayi, “Anu Lesa wacitanshi kuli ndiswe?”

Matalikilo 42:28 ပူးပေါင်းရင်းမြစ်များ

Matalikilo 27:33

Lyalo Isaki wakatalika kututuma abuumbi. Mpeeke wakeepusha ayi, “Ono ngani wacaya nyama muluundu akwiileta kuli ndime? Ndiwapola apa ndindamanishabo kwiilya. Ndamupa coolwe cangu cakweelaako alimwi ncakwiila unanoolibo aco lyoonse alyoonse.”

Matalikilo 42:29

Ndibakashika kuli ishiwabo Jakobo muKenani, bakamulwiita shoonse shakacitika kuli mbabo.

Matalikilo 42:36

Ishiwabo wakabaambila ayi, “Sa mulisuni kwaamba ayi bana bangu boonse bamane kuluba. Josefu pakoomunabo, Simyoni alakwe, ono mutooyanda kutola aBenjameni. Nebo ndime mpengelaamo!”

Matalikilo 43:23

Musebenshi wakaamba ayi, “Mutalisukami alimwi mutaloondi. Lesa wanu, uyo Lesa wa baishiwanu, ulyeelete ngowakabika maali mumasaka anu. Nebo ndakatambula nshemwakalipila.” Lyalo wakaleta Simyoni kuli mbabo.

1 Baami 10:5

Wakabona shakulya isho shakalinga kubambwa patebulu yakwe, kwakalinga koona bacinenenene bakwe, misebenselo ya basebenshi bakwe bakalinga kusebensa muŋanda yakwe ashakufwala sha pancito. Wakabona basebenshi beshikumupa shakulya na kwaba shakusekelela, milambu njaakalinga kubenga muŊanda yakwe Lesa. Ne, kucana wabula acakwaamba!

Kulumbaisha 61:2

Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

Lwiimbo lwakwe Solomoni 5:6

Ndakacalwita usunikwi wangu, sombi ndakacana waya kale. Moyo wangu wakalinga wasangalala ndindakanyumfwa liswi lyakwe. Mpeeke ndakamuyandoola, sombi nshikwe kumucana. Ndakamwiita, sombi taakwe kukumbulaawo.

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Malilo 3:37

Anu ngani weenga waamba makani akucitika acitika? Ee, ngani ukonsha kucita cintu ico Mwaami Lesa ncaatakwe kusuminisha?

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Luka 21:26

Bantu balaakuwisuka ceebo ca boowa pakunoolangila ceshi cikese mukucitika mucishi ca panshi coonse mukwiinga nkusu sha kwiculu shilaakutenkaanishikwa.

Dutolonomi 28:65

Pakati ka mishobo iyo, teshi mukacanewo luumuno nabi musena unenu cancinencine. Mpeeke Mwaami Lesa ulaakumulengesha kulisukama, kubula lushomo alimwi akutyongola.