Matalikilo 42:22 - Baibo Busansulushi Bwa Libuku Ili

²² Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”

Matalikilo 42:22 ပူးပေါင်းရင်းမြစ်များ

Matalikilo 4:10

Mpeeke Mwaami Lesa wakamwaambila ayi, “Ino wacitilanshi cintu ciyoosha mbuli ceeci? Nyumfwa! Bulowa bwa mukwanu butoolila kuli ndime kuswa mubulongo ayi mbooshe cishole.

Matalikilo 42:23

Josefu wakanyumfwa nshebakalinga kwaamba, sombi balo tabakwe kwishiba mukwiinga bakalinga kwaambaakwe kwiinda mumuntu ushikupandulula.

Matalikilo 45:3

Josefu wakaamba ayi, “Ndime Josefu. Sa bata bacili boomi?” Bamakwabo ndibakanyumfwa boobo bakaloonda cakwaalilwa akukumbula.

Matalikilo 50:15

Ono ingayi baishiwabo bafwe, bamakwabo Josefu bakaamba ayi, “Ino na kakuli kwaamba ayi Josefu ucitucitile mfundilishi, alimwi na utoyeeya kutubooshesha cishole pabubi boonse mbotwakacita pali nguwe, inga twacita buyani?”

1 Baami 2:32

Mwaami Lesa utooboosha cishole kuli Joabu ceebo cakucaya uko nkwaakacita cakutashibisha mwaami Defedi. Joabu wakacaya basankwa bobilo abo bakalinga kuyandika kwiinda nguwe. Meena abo nguAbina mwanaakwe Na, mutanjilili wa bashilumamba bene Isilaeli alimwi aAmasa mwanaakwe Jeta, mutanjilili wa bashilumamba bene Juda.

1 Baami 2:33

Mulandu wakucaya uyo aukalilile pali Joabu abamulunyungu lwakwe boonse kwalyoonse alyoonse. Sombi Mwaami Lesa ulaakupa coolwe kubamulunyungu lwakwe Defedi abo beshi banookala pacuuna ca bwaami lyoonsebo.”

2 Makani 24:22

Ono mwaami Joashi wakaluba shintu shibotu nshakamucitila Jeoiyada ishi Sekaliya akucaya mwanaakwe. Mwanaakwe uyo pakufwa wakaamba ayi, “Mwaami Lesa aabone ncemutoocita akumupa mulandu.”

Kulumbaisha 9:12

Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.

Esekelo 3:18

Na ndaambila mucita shibi ayi, ‘Ndushinisho webo ulaakufwa,’ ono webo wabula kumucenjesha nabi kumwaambila kwaamba ayi aleke nshila shakwe shibiibi ayi atafwi, muntu uyo ulaakufwa ceebo ca shibiibi shakwe isho. Sombi awebo ulaakupekwa mulandu pabulowa bakwe.

Luka 23:41

sombi swebo tulyeelete kupopwa mukwiinga tutootambula cilambu ceelete pashintu nshetwalinga kucita. Ono lakwe uyu taaku cibiibi ncaakacita.”

Milimo ya Batumwi 28:4

Bantu abo ndibakabona nsoka keeleleela kulyaansa lyakwe Paulo, bakalyaamboosha beene abeene ayi, “Musankwa uyu ncakwiila ngumucayi. Nakubi kwaamba ayi wapuluka palweenge, sombi lesa wiitwa ayi Bululami taasuni kwaamba ayi abe abuumi.”

Bene Loma 2:15

Nshebacita shilatondesha kwaamba ayi shaamba Milawo shililembetwe mumyoyo yabo. Shintu nshebayeeya mumyoyo yabo shilatondesha ayi nshancinencine ceebo cimwi ciindi shilabalwiita ayi babisha nabi bacita kabotu.

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.

1 Samwelo 19:4

Mpeeke Jonasani wakalumbaisha Defedi kuli baishi ayi, “Nkambo mutabishishi Defedi musebenshi wanu. Taaku ncaakabisha kuli ndimwe alimwi ncaakacita wakamucafwa abuumbi.