Matalikilo 41:42 - Baibo Busansulushi Bwa Libuku Ili

⁴² Mwaami wakafuula ninga yakalinga kucite keshibilo ka bwaami akufwalika Josefu kumunwe. Wakamufwalika cakufwala ca peculu cibotu alimwi akancetani kaniini ka golodi munshingo.

Matalikilo 41:42 ပူးပေါင်းရင်းမြစ်များ

Matalikilo 38:18

Mpeeke Juda wakeepusha ayi, “Ulisuni ayi nkushomeshenshi?” Lyalo Tama wakakumbula ayi, “Kalamatila wa keshibilo wanu amweelo wa nguwo pantu pomwi ankooli yanu.” Mpomunyaawo Juda wakamupa shintu isho akukumanaakwe. Lyalo Tama wakamita.

Matalikilo 41:43

Wakamupa acikoci ca maaki cabili mubwaami kwaamba ayi anokweendelaamo. Mpeeke basankwa bakaya kunembo akoolobesha ayi, “Amushiye nshila! Amushiye nshila!” Munshila iyo Josefu mbwaakabikwa kuba mweendeleshi wa cishi ca Ijipiti.

Esita 10:3

Modekayi muJuda wakapekwa cuuna cabili kumwaami Sakisesi. BaJudanyina bakamusuna akumulemeka ceebo wakalinga kubacitila shibotu akuletela bamulunyungu lwakwe boonse luumuno.

Esita 3:10

Lyalo mwaami wakafuula ninga yakwe yakeshibilo kumunwe wakwe akupa mulwani wa baJuda Amani mwanaakwe Amedata wamulunyungu lwakwe Agagi.

Esita 3:12

Anu pabushiku bwalikumi anshiiku shotatwe mumweenshi wakutaanguna, Amani wakeeta balembi boonse ba mwaami akubaambila makani kwaamba ayi balembe makalata mumushobo wakulemba wa shipansha shoonse sha cishi ca Pesha alimwi mumulaka wa mushobo womwi awomwi. Lyalo wakaatuma kubamaami, beendeleshi abacinenenene boonse. Makalata ayo akalembwa muliina lya mwaami Sakisesi akuumawo ninga yakwe yakeshibilo.

Esita 8:10

Modekayi wakalembesha makalata ayo muliina lya mwaami Sakisesi akuumawo ninga yakwe ya keshibilo. Mpeeke akatolwa abeshinkombe kabatantite maaki acica bunene ayo akashalwa mushimpati sha mwaami.

Esita 8:15

Lyalo Modekayi wakaswa kuŋanda ya bwaami kaafwete shakufwala sha bwaami sha mushobo wa liculu akutuba, mungaanjo wa nsalu iteshimite ifubelafubela amushini wa golodi unene. Lyalo bamundabala inene ya Susa bakasekelela cakusangalala abuumbi mumikwakwa.

Esita 8:2

Lyalo mwaami wakafuula ninga yakwe yakeshibilo iyo njaakanyaya Amani akwiipa Modekayi. Mpomunyaawo Esita wakapa Modekayi mulimo wakulama buboni bwakalinga bwakwe Amani.

Esita 8:8

Anu mwebo amulembe mulawo wakufuna baJuda kweelana ambomusuni. Muuleembe muliina lyangu akuumawo ninga yangu ya keshibilo mukwiinga taaku makani akalembwa muliina lyangu akuumwa ninga yangu yakeshibilo eenga asandulwa.”

Kulumbaisha 73:6

Balafwala kulisumpula anga mbulungu bwa munshingo, alimwi kunyonyongana kwabafwekelesha anga cakufwala ca peculu.

Tushimpi 1:9

Ceebo kwiisha kwabo kulaakubotesha mibo yako bweenka cisoti mbocikubotesha kumutwi akancetani munshingo.

Tushimpi 31:22

Ulatunga manduumba a pabulo bwakwe alimwi ulafwala insalu shamakwebo shifubelafubela.

Tushimpi 31:24

Ulatunga shakufwala sha nsalu iteshimite akushuulisha. Uloolisha balamba kubeshimakwebo.

Lwiimbo lwakwe Solomoni 1:10

Macili ako alabota na wafwala masikiyo, ayalo nshiingo yako na wafwaala bulungu bwa mabwe amakwebo.

Lwiimbo lwakwe Solomoni 4:9

Omweensuma, onabwiinga wangu, wanjipila moyo. Wanjipila moyo ndiwanangilishabo linkanda lyomwi akalo kancetani kako nkoofwete munshingo bweenka.

Isaya 3:23

shilola, shakufwala sha nsalu ilasha, tutambala twa nkasaalo alimwi ashitambala shilaamfu nshebafwala kumutwi.

Jelemiya 52:33

Mpomunyaawo Jeoiyakini bakamusuminisha kufuula shakufwala shakwe sha bukaili akufwala shakufwala shibotu. Wakasuminishikwa kunoolya amwaami kwabuumi bwakwe boonse.

Esekelo 27:7

Insalu shakweensheshako bwaato shakalinga kuteshimite, ee, nsalu iteshimite yakatungwa shakubotesha iyo yakaswa kuIjipiti. Shakalingabo anga nimbembela yako. Shakufweka peculu pabwaato shakalinga sha mushobo wa liculu alimwi shifubelafubela isho shakaswa kuloombe lwa lweenge lwa kuElisha.

Danyelo 5:16

Ono ndanyumfwa kwaamba ayi webo inga wakonsha kunyumfwisha shintu shoonse akusansulula shishisitwe. Ncakwiila na ukonshe kundwiita malembo aya ncaamba, utoofwalikwa shakufwala shifubelafubela alimwi ancetani ya golodi munshingo. Peculu lya waawo ulaakusumpulwa kuba muleli watatu mubwaami bwangu.”

Danyelo 5:29

Mpomunyaawo Beloshasa wakaamba ayi Danyelo afwalikwe shakufwala shilya shifubelafubela sha bwaami akufwalikwa ncetani ya golodi munshingo. Lyalo wakaambilishikwa ayi ngumuleli watatu mubwaami ubo.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Luka 15:22

Sombi baishi bakaambila basebenshi babo ayi, ‘Amufwambaane! Amulete cakufwala cibotu afwale. Mumufwalike ninga kumunwe ansapato.

1 Samwelo 18:4

Mpeeke Jonasani wakafuula cakufwala cakwe ca peculu ncaakalinga kufwete akupa Defedi. Wakamupa ashakufwala sha nkondo shakwe, mupeeni, buta pantu pomwi alaamba.