Matalikilo 41:38 - Baibo Busansulushi Bwa Libuku Ili

³⁸ Mpeeke Falawo wakabaambila ayi, “Teshi tukacaneewo musankwa uli mbuli Josefu, uyo ucite Mushimu wakwe Lesa muli nguwe.”

Matalikilo 41:38 ပူးပေါင်းရင်းမြစ်များ

Matalikilo 41:37

Falawo abacinenenene bakwe bakasuminisha muyeeyo uyo.

Esila 7:25

“Ono webo Esila, mukusebensesha busongo bwakakupa Lesa wako, usale bamatanjilili aboomboloshi ayi beendeleshe bantu boonse bakwitala lya Mulonga wa Yufuletisi, abo bekala kweelana aMilawo ya Lesa wako. Ulyeelete kwiisha uyo woonse uteshi Milawo iyo.

Jobo 32:8

Sombi ndabona ayi nguMushimu wakwe Lesa Shinkusu shoonse uyo useluka pabantu akubapa busongo.

Tushimpi 14:35

Mwaami ulisuni musebenshi ucita shintu sha busongo, sombi musebenshi ucita shintu shilensha nsoni, ulasonkomona bukali bwakwe.

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Isaya 19:11

Bacinenenene ba mundabala inene ya Sowani mbaluya! Beshikupanda maano Falawo basongo balapa miyeeyo ifwite! Inga baambila buyani Falawo ayi, “Nebo ndi kulubasu lwa baabo basongo bakeeya kubamaami bakulukulu?”

Danyelo 4:18

“Lyalo Mwaami Nebukadinesa wakaamba ayi, ‘Anu ici nceciloto ncendakalota. Ono webo Beloteshasa, ndwiite mbocaamba ciloto ici, mukwiinga taaku nabi womwi pakati ka basongo bali mubulelo bwangu weenga wacisansulula. Sombi webo inga wacisansulula ceebo mushimu wa baLesa basalalite uli muli ndiwe.’ ”

Danyelo 4:6

Aboobo ndakeeta beshikumpandaako maano boonse muBabiloni kwaamba ayi bese bandwiite ciloto ncindakalota mbocakalinga kwaamba.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 5:14

Ndanyumfwa ayi mushimu wa balesa basalalite uli muli ndiwe alimwi ayi ulicite maano, maano akunyumfwishisha shintu abusongo.

Danyelo 6:3

Ono cakufwambaana cakeshibwa ayi Danyelo ulakonsha kusebensa kabotu kwiinda bacinenenene bamwi alimwi abeendeleshi ceebo ca mibo yakwe ibotu abuumbi. Paceebo ceeco mwaami wakayeeya kumulengesha kuba wacinenenene wiindaawo mubwaami bwakwe boonse.

Danyelo 6:4

Mpomunyaawo bacinenenene bamwi pantu pomwi abeendeleshi abo bakatalika kuyandoola mpweenga bapeta Danyelo mulandu munshila iyo njaakalinga kweendelesheshamo bwaami. Sombi bakaalilwa mukwiinga Danyelo wakalinga kushomeka alimwi taakwe kucitawo cilubite nabi cakutashomeka.

Shakubelenga 27:18

Mpeeke Mwaami Lesa wakaambila Mose ayi, “Bwesa Joshuwa mwanaakwe Nani, umo muli Mushimu wangu, akubika maansaako pamutwi wakwe.