Matalikilo 41:30 - Baibo Busansulushi Bwa Libuku Ili

³⁰ Kuswawaawo kulaakuba myaaka yosanwe ayobilo ya nsala, alimwi amyaaka yoonse ibotu ilaakulubwa mukwiinga nsala ilaakunyonyoola cishi.

Matalikilo 41:30 ပူးပေါင်းရင်းမြစ်များ

Matalikilo 41:21

sombi taaku weenga wakonsha kwishiba boobo, mukwiinga shalinga kubonekabo mushobo womwi apakataanshi. Mpeeke ndakapapuka.

Matalikilo 41:27

Ŋombe shinyangite, makonkobo shili shosanwe ashobilo isho shakaswa pesule, amasanse aniininiini anyanite kumuuwo wa muluyanga, shilaamba myaaka yosanwe ayobilo ya nsala.

Matalikilo 41:31

Ciindi cakuba ashakulya shiinji cilaakulubilwabolimwi mukwiinga kulaakuba nsala iyoosha abuumbi.

Matalikilo 41:51

Mpeeke wakaamba ayi, “Lesa wanengesha kuluba mapensho angu alimwi abamuŋanda ya bata.” Aboobo mwanaakwe wakwiiya wakamutumba ayi Manase.

Matalikilo 41:54

Lyalo myaaka yosanwe ayobilo ya nsala yakatalika, bweenka bwakaamba Josefu. Nsala iyo yakaba amushishi shimwi shoonse, sombi moonse muIjipiti mwakalinga shakulya.

Matalikilo 41:56

Nsala yakakomena akuba kubantu boonse muIjipiti, aboobo Josefu wakacalula matala oonse mumandabala anene akutalika kuulisha shakulya kubene Ijipiti.

Matalikilo 47:13

Nsala yakakomena cakwaamba ayi taaku akwakalinga cakulya. Aboobo bene Ijipiti abene Kenani bakalefuka kunsala.

2 Samwelo 24:13

Lyalo Gadi wakaya kuli Defedi akumwaambila ayi, “Ono amusaleewo, kuba nsala kwamyaaka yotatwe mucishi canu? Kucica balwani abalo kabesa cimuyandoola kwamyeenshi yotatwe nabi kuba amwaalu mucishi canu kwanshiku shotatwe. Ono muyeeye pashintu ishi, lyalo mundwiite bukumbulo bwanu mboonjelete kutola kuMwaami Lesa.”

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

2 Baami 8:1

Ono Elisha wakaambila mwanakashi wakalinga kwikala muShunemu, uyo mwine mwaana ngwaakabusha kuswa kubafu ayi, “Mwaami Lesa utootuma nsala mucishi iyo yeshi ikatole myaaka yosanwe ayobilo. Webo abamuŋanda yako mulyeelete kuswaamo akuya kumwi.”

Kulumbaisha 105:16

Mwaami Lesa wakaleta nsala mucishi cabo akunyonyoola shakulya shabo shoonse.

Tushimpi 31:7

Ubape banwe kwaamba ayi balube bukandu bwabo, ncakwiila kwaamba ayi bateebaluki lyobilo buumba bwabo.

Isaya 65:16

Lyalo woonse weshi akasenge coolwe mucishi ico, ulaakucita boobo muliina lyangu, nebo neLesa utabeci. Alakwe uyo weshi akashomeshe cakulumbila mucishi ico, ulaakulumbila muliina lyangu, nebo neLesa utabeci. Ceebo mapensho oonse akulukulu alaakulubwa alimwi teshi akabonekeewo tubili mumeenso angu.”

Luka 4:25

“Ono amunyumfwe, kwakalinga bamukalubinje banakashi baanji mulya muIsilaeli munshiku shakwe Elija mulaluki mukulukulu, ndikwakabula mfula myaaka yotatwe amyeenshi yosanwe awomwi, kwakaba nsala inene mucishi coonse.

Jemusi 5:17

Amubone Elija wakalinga muntu bweenka mbuli ndiswe. Wakapaila kuswa kuunshi kwa moyo kwaamba ayi mfula italoki, ncakwiila taikwe kuloka kwamyaaka yotatwe amusa.