Matalikilo 4:4 - Baibo Busansulushi Bwa Libuku Ili

⁴ Mpeeke Abelo wakaleta twana twa mbelele tutaanshi kushalwa kushaakwe shimwi, watucaya akubenga mulambu wa shipansha shibotu sha ntuto kuli Lesa. Mwaami Lesa wakamukondwa Abelo akutambula mulambu wakwe.

Matalikilo 4:4 ပူးပေါင်းရင်းမြစ်များ

Matalikilo 15:17

Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama.

Matalikilo 4:3

Ndipakeenda nshiku, Kaini wakaleta shilimwa akupa cipo kuMwaami Lesa.

1 Baami 18:24

Lyalo muleke balaluki bakwe Baali bapaile kuli lesa wabo, anebo ntoopaila kuMwaami Lesa. Uyo eshi atume mulilo, ingayi ngoLesa mwiine.” Bantu boonse bakaamba ayi, “Mwaamba kabotu.”

1 Baami 18:38

Lyalo peenka apo Mwaami Lesa wakatuma mulilo panshi. Wakatenta mulambu, nkuni, mabwe abulongo akuyuminisha maanshi oonse akalinga mucilindi.

1 Makani 21:26

Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

2 Makani 7:1

Solomoni ndyaakamanabo kupaila, mulilo wakesa kuswa kwiculu akutenta milambu yoonse yakabengwa. Mpeeke bulemu bwa Mwaami Lesa bwakesula Ŋanda yakwe.

Kulumbaisha 20:3

Mwaami Lesa aaibaluke milambu yanu yoonse akutambula milambu yanu yakutenta.

Kulonga 13:12

anu mulyeelete kubenga mwaana musankwa woonse wakwiiya kuMwaami Lesa. Alimwi mwanaacifubwa canu coonse musankwa wakwiiya ngwa Mwaami Lesa.

Tushimpi 3:9

Lemeka Mwaami Lesa abuboni bwako boonse ansoomo sha shisepo sha mumuunda wako.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Shakubelenga 16:15

Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Shakubelenga 18:12

“Ndamupa shintu shibotu shoonse sha mafuta a olifi, waini alimwi ashili anga ngamaila shitaangunwa kutebulwa, isho bene Isilaeli nshebapa ndime neMwaami Lesa kuswa mumyuunda yabo.

Shakubelenga 18:17

Sombi boombe bakwiiya, mbelele alimwi ampongo tabeelete kunoolubulwa, ceebo balisalalite. Mulyeelete kusanseela bulowa bwabo pacipaililo akutenta mafuta abo ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Bene Ebulu 11:4

Kwiinda mulushomo, Abelo wakapa mulambu weelete kuli Lesa kwiinda wakwe Kaini. Ceebo ca lushomo, Lesa wakabanda Abelo ayi uliluleme mukwiinga Lesa mwiine wakakondwa pamulambu wakwe. Lushomo ndomunya ulu ndolulengesha ayi Abelo anoocaamba kuli ndiswe, nakubi kwaamba ayi ulifwite.

Bene Ebulu 9:22

Ncakwiila kweelana aMilawo, shintu shiinji shilasalashikwa abulowa alimwi shibiibi tashilekelelwi kwakubula kutilwa kwa bulowa.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Boomboloshi 6:21

Mpomunyaawo munjelo wa Mwaami Lesa wakatondeka nkoli njaakalinga kucite mulyaansa lyakwe akwiishisha panyama acimaande. Mpeeke mulilo wakaswa mulibwe akutenta nyama iyo acimaande. Kuswawaawo munjelo wakashimingana.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.