Matalikilo 4:26 - Baibo Busansulushi Bwa Libuku Ili

²⁶ Seti alakwe wakashala mwaana musankwa akumutumba ayi Enoshi. Kuswawaawo bantu bakatalika kubanda liina lya Mwaami Lesa mukulambila kwabo.

Matalikilo 4:26 ပူးပေါင်းရင်းမြစ်များ

Matalikilo 12:8

Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.

Matalikilo 26:25

Isaki wakayaka cipaililo apo akulambila Mwaami Lesa. Lyalo wakayaka musumba apo, mpeeke basebenshi bakwe bakakaba aumwi mukalo.

1 Baami 18:24

Lyalo muleke balaluki bakwe Baali bapaile kuli lesa wabo, anebo ntoopaila kuMwaami Lesa. Uyo eshi atume mulilo, ingayi ngoLesa mwiine.” Bantu boonse bakaamba ayi, “Mwaamba kabotu.”

Kulumbaisha 116:17

Ndaakubenga mulambu wakulumba kuli ndimwe alimwi akupaila muliina lyanu noBaami baLesa.

Isaya 44:5

“Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Isaya 63:19

Swebo tuli bantu banu kuswabo kale kale sombi balo tamuna kubawo kale baleli babo, ncakwiila tabakwe kwiitwawo kale muliina lyanu.

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Luka 3:38

Kenani mwanaakwe Enoshi, Enoshi mwanaakwe Seti, Seti ngomwanaakwe Adamu, Adamu mwanaakwe Lesa.

Milimo ya Batumwi 11:26

Ndyaakamucana, wakamutola kuAntyoki. Mpeeke Saulo aBanabasi bakalinga kwikala mubwanabwankashi abantu ba mucoonde alimwi akwiisha bantu baanji kwamwaaka woonse. KuAntyoki nkomunya uko, bashomi nkobakataanguna kwiitwa ayi bene Klistu.

Milimo ya Batumwi 2:21

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa.’

Bene Loma 10:13

Bweenka bwaamba Malembo akwe Lesa ayi, “Uyo woonse usenga ayi Mwaami Lesa amucaafwe, ulaakupulushikwa.”

1 Bene Kolinto 1:2

Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.