Matalikilo 4:16 - Baibo Busansulushi Bwa Libuku Ili

¹⁶ Mpeeke Kaini wakaswa pameenso akwe Lesa akuya mukwikala kumusena wiitwa ayi Nodi nkokwaamba ayi, “Kwiingooka” uyo uli kwicwe lya Edeni.

Matalikilo 4:16 ပူးပေါင်းရင်းမြစ်များ

Matalikilo 3:8

Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu.

Matalikilo 4:14

Mutoontanda mucishi cino apameenso anu. Ndaakuba shikwiingooka utacite musena pacishi ca panshi, alimwi uli woonse eshi akancane, ulaakuncaya.”

Matalikilo 4:17

Kaini amukaakwe bakashala mwaana musankwa akumutumba liina lyakwaamba ayi “Enoki”. Kuswawaawo Kaini wakayaka ndabala inene akwiitumba liina lya mwanaakwe musankwa.

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

2 Baami 24:20

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Jobo 1:12

Mpeeke Mwaami Lesa wakaambila Satana ayi, “Ncibotu, buboni bwakwe boonse ndabubika mumaansaako, sombi lakwe mwiine kuteelesha kumukumya.” Mpomunyaawo Satana wakaswaawo pameenso a Mwaami Lesa.

Jobo 2:7

Mpomunyaawo Satana wakaswaawo pameenso a Mwaami Lesa akuya mukupa Jobo shilonda mubili woonse.

Jobo 20:17

Teshi akekale buumi bulaamfu ayi akabone milonga ya mafuta a olifi, nabi kubona tulonga uto tukunka mukupa abuuci.

Kulumbaisha 5:11

Sombi abo boonse beshi bayube muli ndimwe, basangalale, alimwi lyoonse banokwiimba ceebo cakusangalala. Kamufuna baabo bamusuni. Ceebo ca ndimwe balasangalala cancinencine.

Kulumbaisha 68:2

Bweenka bwiishi mbobuya amuuwo, mbweeke ubo alakwe mbweshi abasukumye. Ee, bweenka bukato mbobusunguluka kumulilo, mbweeke ubo bamucita shibi abanyonyoolwe pameenso akwe Lesa.

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Jelemiya 23:39

ncakwiila ndaakubanyamuna akubawaala kulaale andime. Nkokwaamba ayi balo andabala iyo njendakapa bamashali babo bakulukulu.

Jelemiya 52:3

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Mateyo 18:20

Mukwiinga apo pabungana bantu bobilo nabi botatwe muliina lyangu, anebo mpoondi pali mbabo.”

Luka 13:26

Mpomunyaawo mulaakutalika kwaamba ayi, ‘Swebo twakalinga kulya akunwa pantu pomwi amwebo alimwi mwakalinga kwiisha mumandabala esu.’

Joni 1:10

Lakwe wakalingaamo mucishi cino alimwi cishi cakalengwa kwiinda muli nguwe. Nakubi boobo bantu ba mucishi tabakwe kumwishiba.

Joni 1:3

Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi.

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.