Matalikilo 4:14 - Baibo Busansulushi Bwa Libuku Ili

¹⁴ Mutoontanda mucishi cino apameenso anu. Ndaakuba shikwiingooka utacite musena pacishi ca panshi, alimwi uli woonse eshi akancane, ulaakuncaya.”

Matalikilo 4:14 ပူးပေါင်းရင်းမြစ်များ

Matalikilo 3:24

Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.

Matalikilo 4:13

Lyalo Kaini wakaambila Mwaami Lesa ayi, “Mulandu uyu wakomenesha ngomwampa, inga nshiukoonshi.

2 Samwelo 14:7

Ono beshikamukowa boonse bambukila nemusebenshi wanu akwaamba ayi balisuni ngabe wooyo wakacaya mubye mumaansaabo ayi bamucaaye alakwe, ceebo cakucaya mukwabo. Na bakacite boobo, ingayi nebo ndaakucaalabo kwakubulawo mwaana musankwa. Nkokwaamba ayi balaakunyonyoola wakucinkamo manungo eenkabo ngooncite, abalo beebaangu inga babula weenga wacaasha liina lyabo pacishi ca panshi coonse cino.”

Kulumbaisha 109:10

Bana bakwe bakeengaile akuya busengelela. Bakatandwe kuswa mushituuka shabo.

Kulumbaisha 109:12

Kutabi muntu nabi womwi weshi amufwite nkumbu, nabi kufwita nkumbu banabanshiwa bakwe.

Kulumbaisha 143:7

NoBaami baLesa, amunkumbule cakufwambaana ceebo moyo wangu utoolela. Mutamfutatili, sobwe! Ceebo inga ndaba anga mbaabo batooya kumusena wa bafu.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Jelemiya 52:3

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Osiya 13:3

Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Shakubelenga 35:19

Ono mukwabo wooyo wakacaikwa ngoweelete kucaya mucayi uyo kuli koonse nkweenga wamucana.

Shakubelenga 35:21

nabi kumuuma makoofi, ingayi alakwe ngumucayi alimwi ulyeelete kucaikwa. Aboobo mukwabo wooyo wacaikwa ulyeelete kucaya mucayi kuli koonse nkweenga wamucana.

Shakubelenga 35:27

na mukwabo wooyo wakacaikwa wamucana akumucaya, ingayi taacite mulandu pakumucaya.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 28:65

Pakati ka mishobo iyo, teshi mukacanewo luumuno nabi musena unenu cancinencine. Mpeeke Mwaami Lesa ulaakumulengesha kulisukama, kubula lushomo alimwi akutyongola.

2 Bene Tesalonika 1:9

Mulandu wabo ulaakuba kunyonyooka kutamaani. Balaakupansanishikwa kuMwaami wesu Jesu alimwi abulemu bwa nkusu shakwe.