Matalikilo 39:7 - Baibo Busansulushi Bwa Libuku Ili

⁷ Nshiku ndishakafulafula, muka mwaami wakwe wakatalika kumukumbwa, mpeeke wakasenga Josefu ayi akumanaakwe.

Matalikilo 39:7 ပူးပေါင်းရင်းမြစ်များ

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

2 Samwelo 13:11

Ono cilya Tama ncaakaamba ayi atambike shinkwa kuli nguwe ayi alye, Amunoni wakamucata palyaansa akumwaambila ayi, “Kwesa nkumane awebo nankashi yangu.”

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Kulumbaisha 119:37

Amunkaashe kubika maano kushintu shitacite ncito. Amumpe buumi kweelana amaswi anu.

Tushimpi 1:10

Omwanaangu, na bamucita shibi bakuyungoola, webo utabakonkeleshi napaceyi.

Tushimpi 2:16

Busongo bulaakukupulusha kuswa kumwanakashi mufuule, ee, mwanakashi utabete kabotu uyo waamba makani akunyengelela.

Tushimpi 5:9

Ono na mwabula kucita boobo, bulemu bwanu bulaakutolwa kubantu bamwi. Lyalo mwebo mulaakucaikwa kamucili banike kubantu beshilunkutwe.

Tushimpi 6:26

Ceebo mufuule ulakonsha kumubwesabo kushinkwa womwi, sombi shibulale ulaakutola buumi bwako boonse.

Tushimpi 7:13

Mpomunyaawo wakamucata, wamufyonta kaabongelabongela akumwaambila ayi,

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Esekelo 16:25

Kweela kwa mukwakwa womwi awomwi mwakayakaako misena yakulambililaako akusebaanya bubotu bwanu mukukumana amusankwa uli woonse utokwiinda. Wakalinga kucita boobo mankanda maanji pabushiku bomwi abomwi.

Esekelo 16:32

Webo omwanakashi mufuule! Ulisuni basankwa beensu kwiinda ibayo.

Esekelo 16:34

Aboobo webo uli mufuule upuseneeko abafuule bamwi boonse. Taaku bakweendela. Ncakwiila webo ulipusene cancinencine abafuule bamwi ceebo ndiwe ubalipila, sombi webo taaku ncoolipilwaawo, sobwe.”

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

2 Pita 2:14

Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!

1 Joni 2:16

Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.