Matalikilo 39:23 - Baibo Busansulushi Bwa Libuku Ili

²³ Ncakwiila shintolongo uyo taakalinga kubikaako amaano kushintu isho shakalinga kweendeleshekwa aJosefu mukwiinga Lesa wakalingaakwe. Ncakwiila wakalinga kumulengesha ayi abe ashoolwe mushintu shoonse nshaakalinga kucita.

Matalikilo 39:23 ပူးပေါင်းရင်းမြစ်များ

Matalikilo 39:20

cakwaamba ayi wakaangisha Josefu akumubikisha muntolongo mwakalinga kubikwa bakaili ba mwaami Falawo. Umo wakekala.

Matalikilo 39:8

Wakakaka akumwaambila ayi, “Amubone mwaami wangu taaku ncaabikako maano mukwiinga ulishi kwaamba ayi mpoondi nebo. Shintu shoonse nshaacite wakashibika mumaansaangu.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Danyelo 6:22

Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.