Matalikilo 38:14 - Baibo Busansulushi Bwa Libuku Ili

¹⁴ Mpeeke wakafuula shakufwala shabumukalubinje akufwala kabotu, walifweka katambala koobu pameenso, akwikala pamwinjililo wa Enaimu, ndabala yakalinga munshaanshila iya kuTimuna. Wakalinga kwishi kabotu kabotu kwaamba ayi mwanaakwe Juda musankwa mwanike paboonse, Shela wakula, nacibi boobo kabatana kubeebanya.

Matalikilo 38:14 ပူးပေါင်းရင်းမြစ်များ

Matalikilo 24:65

akwiipusha musebenshi wakwe Abulaamu ayi, “Ngani musankwa ulya utoosa kokuno mumuunda mulya?” Musebenshi wakakumbula ayi, “Mbaami bangu.” Mpomunyaawo Labeka wakalifweka cisani cakwe pameenso.

Matalikilo 38:15

Juda ndyaakamubona, wakayeeya ayi ngumufuule, ceebo wakalinga walifweka pameenso.

Matalikilo 38:19

Tama wakaya kumishaabo, wafuula katambala kakalinga pameenso akufwala shabumukalubinje alimwi.

Matalikilo 38:26

Juda shintu isho wakashishiba akwaamba ayi, “Lakwe wakalulika kwiinda ndime, mukwiinga nebo ndime ndakabisha kutamupa Shela mwanaangu ayi beebane kweelana mbondakalasha.” Kuswawaawo Juda taakwe kukumanaakwe alimwi.

Tushimpi 7:10

Mpeeke mwanakashi ulya wakaswa kuya mukumukumanya, wakalinga kufwete cabufuule kaacite muyeeyo womwibo.

Tushimpi 7:12

Sunu inga wacanika mumukwakwa, ciilo kumusena ucanika bantu baanji, isona nkucanika pamampambaanwa a nshila kaalindilila basankwa.

Jelemiya 3:2

Amulange peculu lya tulundu tutacite bwiisu mubone. Sa kuliwo pakacaala mpomutana kutacitilawo bufuule? Mwakalinga kunookala mweela nshila kulindilila basankwa bweenka mbuli bucita muAlabu muluyanga. Aboobo mwalengesha cishi kutanoosalalite ceebo ca bufuule abubi bwanu.

Esekelo 16:25

Kweela kwa mukwakwa womwi awomwi mwakayakaako misena yakulambililaako akusebaanya bubotu bwanu mukukumana amusankwa uli woonse utokwiinda. Wakalinga kucita boobo mankanda maanji pabushiku bomwi abomwi.