Matalikilo 37:34 - Baibo Busansulushi Bwa Libuku Ili

³⁴ Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

Matalikilo 37:34 ပူးပေါင်းရင်းမြစ်များ

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 42:38

Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”

Matalikilo 44:13

Bamakwabo bakakwamoona shakufwala shabo kubuumba. Mpeeke bakatantika shifunta shabo pambongolo akuboolela kundabala inene.

2 Samwelo 1:11

Mpomunyaawo Defedi abashilumamba bakwe boonse bakakwamoona shakufwala shabo kubuumba.

2 Samwelo 3:31

Lyalo Defedi wakaambila Joabu abantu boonse mbwaakalingaabo ayi, “Amukwamoone shakufwala shanu, mufwale masaka munooya cilila kunembo lyakwe Abina.” Mwiine mwaami Defedi wakalinga kuya cilila pesule lya libokoshi.

1 Baami 20:31

Bacinenenene bakwe bakesa kuli nguwe akwaamba ayi, “Twanyumfwa ayi bamaami bene Isilaeli balicite nkumbu. Amutusuminishe tuye kumwaami wa bene Isilaeli katufwete amasaka mumakome alimwi akwaanga ntambo munshingo. Mpashi inga wamulekelela mwebo kwaamba ayi atamucaayi.”

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

2 Baami 19:1

Mwaami Esekiya ndyaakanyumfwa makani ayo, wakakwamoona shakufwala shakwe kubuumba, wafwala lisaka akuya kuŊanda yakwe Lesa.

2 Baami 2:12

Elisha wakakabona, wakatalika kulila kuli Elija ayi, “Ta! Ta! Nobeshikufuna bene Isilaeli beshinkusu mwaya!” Lyalo taakwe kumubonaawo Elija alimwi. Mubuumba bwakwe Elisha wakakwamuna cakufwala cakwe ca peculu.

2 Baami 22:11

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

1 Makani 21:16

Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

1 Makani 7:22

Efuleemu ishiwabo wakabalila baana bakwe kwanshiku shiinji alimwi bamakwabo boonse bakesa mukumulishaanya.

Neyemiya 9:1

Pabushiku bwamakumi obilo anshiiku shone mumweenshi weenka uyo, bene Isilaeli bakabungana akulikasha kulya, kabafwete masaka akulibika lusuko pamitwi kutondesha buumba.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Jobo 16:15

“Ntoolila akufwala masaka kutondesha buumba. Ndatondesha kulibombya kwiinda mukwikala mulusuko.

Jobo 2:12

Kabacili palaale bakabona Jobo, sombi tabakwe kumwishibaawo. Ono ndibakamwishiba bakatalika kulila cakooloma, bakakwamoona shakufwala shabo ceebo ca buumba akulitukweeta bulongo kumitwi.

Kulumbaisha 69:11

Ndindakaalula masaka kuba shakufwala shangu sha buumba, bakatalika kunseka.

Isaya 32:11

Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Isaya 36:22

Lyalo Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a bulelo bakakwamoona shakufwala shabo kubuumba. Mpeeke bakaya mukulwiita mwaami Esekiya isho shakaamba mutanjilili wa bashilumamba ba bene Asilya.

Jelemiya 36:24

Nabi mwaami abacinenenene bakwe boonse abo bakanyumfwa maswi oonse aya tabakwe kuloondaawo nabi kukwamoona shakufwala shabo kutondesha ayi bali mubuumba, sobwe.

Jelemiya 48:37

Mitwi yoonse ilicesetwe, andesu shoonse shakakululwa. Boonse bakalinengoola kumaansa akufwala masaka mumakome abo.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 26:65

Mpeeke mupailishi munene wakakwamoona shakufwala shakwe, akwaamba ayi, “Nkucobola Lesa uku. Ono apa sa inga katucilangoola abamwi bakamboni? Noonse mwalinyumfwila mbwaacobola Lesa.

Milimo ya Batumwi 14:14

Sombi Banabasi aPaulo ndibakanyumfwa ncebakalinga kusuni kucita, bakakwamuna shakufwala shabo akucicila pakati ka bantu abo kaboolobesha ayi,

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

Boomboloshi 11:35

Ono ndyaakamubona, wakakwamoona cakufwala cakwe akulila ayi, “Maawe omwanaangu wampeensha ceebo ndakashomesha cakulumbila kuMwaami Lesa, ono inga nshikoonshi kuleka kucita ncendakashomesha.”