Matalikilo 37:10 - Baibo Busansulushi Bwa Libuku Ili

¹⁰ Ndyaakalwiitaako abaishi ciloto ico, bakamukalalila akwaamba ayi, “Anu nciloto buyani acalo ico? Sa utoyeeya kwaamba ayi banyoko, bamakwanu anebo tulaakwisa mukukukotamina?”

Matalikilo 37:10 ပူးပေါင်းရင်းမြစ်များ

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 37:7

Soonse twalinga mumuunda katwaanga mile ya witi, mule wangu ndiwaliimika cakuteengashila. Mpeeke yaanu yashinguluka waangu akuukotamina.”

Matalikilo 37:9

Lyalo Josefu wakalota alimwi. Mpeeke wakaambila bamakwabo ayi, “Ndaloota alimwi akubona lisuba, mweenshi anyenyeenshi likumi ayomwi shankotamina.”

Matalikilo 43:26

Josefu ndyaakashika bakatola shipo muŋada kuli nguwe akufukama cakushisha ciwa panshi kunembo lyakwe.

Matalikilo 43:28

Bakakumbula ayi, “Baishiwesu, musebenshi wanu mubombu ngumuumibo alimwi uli kabotu.” Mpeeke bakafukama kunembo lyakwe mukumulemeka.

Matalikilo 44:14

Juda abamakwabo ndibakashika kuŋanda yakwe Josefu, bakamucanaako. Mpomunyaawo bakaya bafukama kunembo lyakwe.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’