Matalikilo 36:7 - Baibo Busansulushi Bwa Libuku Ili

⁷ Wakaswaako ceebo musena mpobakalinga kushiite aJakobo wakaceya kwaamba ayi boonse bobilo kabashiite pantu pomwi. Bakalinga kufubite abuumbi cakwaamba ayi cakayuma kwikala boonse.

Matalikilo 36:7 ပူးပေါင်းရင်းမြစ်များ

Matalikilo 13:11

Mpeeke Loti wakasala cinyika ca Joodani akusenaako kwicwe. Ubo mbobakapansaana bobilo abo.

Matalikilo 13:6

Aboobo tepakalinga musena unene wakwaamba ayi bekale bobilo pantu pomwi, ceebo bakalinga kufubite abuumbi.

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Matalikilo 28:4

Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”

1 Makani 29:15

NoBaami baLesa mulishi kwaamba ayi mubuumi tuli anga mbeensu beendilite bweenka mbocakaba kubamashali besu bakulukulu. Inshiku shesu shili anga nshimfule shitokweenda alimwi lufu tatukoonshi kuluyuba.

Kulumbaisha 39:12

Amunyumfwe mupailo wangu noBaami baLesa, amukutike kusenga lucafwo kwangu. Mutapuululi kukulila kwangu, mukwiinga ndi mweensu bweenka mbuli bamashali besu bakulukulu.

Jelemiya 35:7

Wakatukasha akuyaka maanda, kulima myuunda imwi, kushanga myuunda ya minyansa nabibo kuba acintu nabi comwi pashintu ishi. Sombi tulyeelete kunookalabo mumatente. Twaakucita boobo, ndyeshi tukekaale ciindi cilaamfu mucishi umo motwiingeelabo.

Bene Ebulu 11:9

Kwiinda mulushomo ndomunya, wakekala anga ngumuswamashi mucishi ico Lesa ncaakamushomesha. Isaki aJakobo abo abalo bakatambula kushomesha kwakwe Lesa, bakalinga kwikala mumatente mbuli Abulaamu.