Matalikilo 32:7 - Baibo Busansulushi Bwa Libuku Ili

⁷ Jakobo wakaloonda akulisukama. Bantu mbwaakalingaabo wakabapansaanya mumakoto obilo pantu pomwi ambelele, mpongo, ŋombe alimwi angamela shakwe.

Matalikilo 32:7 ပူးပေါင်းရင်းမြစ်များ

Matalikilo 32:11

Ndapaila ayi mumpulushe kuswa kumukwesu Esau. Ndaloonda kwaamba ayi utoosa mukundwana akutunyonyoola soonse pantu pomwi abanakashi alimwi abaana.

Matalikilo 32:3

Jakobo wakatanjisha bantu kuli Esau mukwabo mumusena wa Siya mucishi ca Edomu ayi batole nkombe.

Matalikilo 32:8

Wakayeeya kwaamba ayi, “Na Esau ese alwane likoto litaanshi likoto limwi licice akuloboka.”

Matalikilo 33:1

Mpeeke Jakobo ndyaakeenamuka wakabona Esau keesa abasankwa bakwe bakalinga myaanda yone. Mpomunyaawo wakapatoola bana bakwe kupa Leya, Lakelo abakasuwa bakwe bobilo.

Matalikilo 35:3

Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.”

Kulumbaisha 107:6

Lyalo bakalilila Mwaami Lesa ceebo ca mapensho abo. Ncakwiila alakwe wakabafuna kuswa mubuumba bwabo.

Kulumbaisha 112:5

Shibotu shilaya kumubotu moyo ukongwesha cakutalangila mpindu. Ee, shilaya kumuntu uyo weensha milimo yakwe cabululami.

Kulumbaisha 142:4

Amulange kulyaansa lyangu lyalulyo, mutoobona ayi taakuuwo nabi womwi umbikaako maano. Ndushinisho taaku nkweenga ndaya mukuyuba. Taaku utoolama buumi bwangu.

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Kulumbaisha 61:2

Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

Kulonga 14:10

Ono bene Isilaeli ndibakabona mwaami Falawo alimwi abashilumamba bakwe kabaya kuli mbabo, bakaloonda abuumbi akulilila Mwaami Lesa ayi abacaafwe.

Tushimpi 2:11

Kucita shintu sheelete kulaakukutabilila, maano akunyumfwisha alaakunookufuna.

Isaya 28:26

Mulimi ulishi bwakucita mulimo wakwe uyu kwiinda mulushibo lwakamupa Mwaami Lesa.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

2 Bene Kolinto 1:4

Ulatucafwa mumapensho esu oonse kwaamba ayi tukonshe kucafwa bamwi bacite mapensho amushobo uli woonse, kwiinda mulucafwo ulo ndotwakatambula kuswa kuli Lesa.

2 Timoti 3:12

Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.