Matalikilo 32:26 - Baibo Busansulushi Bwa Libuku Ili

²⁶ Lyalo musankwa uyo wakaamba ayi, “Ndeke nooya, kutooya cituba.” Jakobo wakakumbula ayi, “Teshi nkuleeke, sombibo na umpe coolwe.”

Matalikilo 32:26 ပူးပေါင်းရင်းမြစ်များ

Matalikilo 32:25

Musankwa uyo ndyaakabona ayi taatookoma, wakooma Jakobo kukasolo, mpeeke kakashukumukaamo mulinungi.

Matalikilo 32:27

Musankwa uyo wakeepusha ayi, “Anu ndiwaani webo?” Wakakumbula ayi, “Ndime Jakobo.”

1 Makani 4:10

Jabesi wakapaila kuli Lesa wa bene Isilaeli ayi, “NobaLesa, amumpe coolwe cakuba acishi cinene. Amube anebo akuntabilila kuswa kushintu sheenga shancisa kwaamba ayi ntakanyumfwiwo kucisa.” Lyalo Lesa wakamupa isho shoonse nshaakasenga.

Kulumbaisha 67:1

NobaLesa amube aluse pali ndiswe akutupa coolwe. Amutulange meenso a nkumbu

Kulonga 32:10

Ono uteeleshi kunkasha. Ndakalala abuumbi ceebo ca bantu abo, aboobo ntoobanyonyoola. Kuswawaawo ndaakulengesha webo alimwi abamulunyungu lwako kuba mushobo unene abuumbi.”

Lwiimbo lwakwe Solomoni 3:4

Ndindakeendakobo paniini usunikwi wangu ndakamucana. Ndakamucata cakutamuleka ayi anshiiye kushikila ndamutola kuŋanda ya bama, ee, mucipinda umo mondakashalilwa.

Lwiimbo lwakwe Solomoni 7:5

Mutwi wako ulinongomene anga nKalundu ka Kamelo. Misusu yako ili anga shisani sha bwaami. Mwaami ulyaangitwe kuli njiyo.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Osiya 12:4

Wakalwana amunjelo akumukoma. Wakalila akusenga ayi amupe coolwe. KuBetelo Lesa wakesa kumushali wesu mukulukulu akubandikaakwe kweenka uko.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.