Matalikilo 32:24 - Baibo Busansulushi Bwa Libuku Ili

²⁴ Sombi lakwe wakacaala eenka. Lyalo musankwa wakesa akutintanaakwe kushikila lisuba kaliyanda kuswa.

Matalikilo 32:24 ပူးပေါင်းရင်းမြစ်များ

Matalikilo 18:2

wakeenamuka akubona bantu botatwe kabeemfwi pafwaafwi bulya. Ndyaakababonabo wakabacicilila kwaamba ayi abaanshe. Wakafukama akushisha ciwa panshi,

Matalikilo 30:8

Lyalo Lakelo wakaamba ayi, “Ndalwana nkondo ishupite amukwesu, sombi ndakoma.” Paceebo ceeco wakamutumba ayi Nafutali.

Matalikilo 32:23

Ndyaakamana kubasubusha, wakasubusha ashoonse nshaakalinga kucite.

Matalikilo 32:25

Musankwa uyo ndyaakabona ayi taatookoma, wakooma Jakobo kukasolo, mpeeke kakashukumukaamo mulinungi.

Matalikilo 32:28

Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”

Matalikilo 32:30

Jakobo wakaamba ayi, “Ndabonana aLesa meenso ameenso alimwi ncili muumi.” Paceebo ceeco musena uyo wakautumba ayi Penyelo.

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

Kulonga 14:27

Alakwe Mose wakatandabika lyaansa lyakwe palweenge, ono ndibwakaca, maanshi akakumana akuboola bweenka mbwaakalinga. Bene Ijipiti bakeelesha kusubuka mumaanshi, sombi Mwaami Lesa wakabapisha mumaanshi.

Lwiimbo lwakwe Solomoni 2:17

Ono na muuwo wa macolesha watalika kuya citontola alimwi shimfule shatalika kuya cishimingana, upiluke kuli ndime, osunikwi wangu. Ukabe anga ninsefu nabi anga ngumwanaansefu musankwa patulundu twa Beta.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Danyelo 10:8

Aboobo ndakacaala neenka kaanjebela cili anga nciloto ico cikankamika. Nkusu shangu shoonse shakamana alimwi ciwa cangu cakasanduka abuumbi kuboowa cakwaamba ayi taaku muntu weenga wakonsha kwinshiba.

Luka 13:24

“Amweeleshe cankusu kwinjila pamulyango ushaankene mukwiinga ntoomwaambila ayi bantu baanji balaakweelesha kwinjila, sombi teshi bakacikoonshe.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Bene Loma 15:30

Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.

1 Bene Kolinto 15:47

Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Bene Kolose 2:1

Ndisuni kwaamba ayi mwishibe mbuli mboontoosebensela mwebo, bashomi ba muLawodisiya alimwi abaabo boonse batana kumbonaawo.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Joshuwa 5:13

Ono Joshuwa ndyaakalinga pafwaafwi andabala ya Jeliko, wakabona muntu kunembo lyakwe kaacite mupeeni mulyaansa. Joshuwa wakaya kuli nguwe akumwiipusha ayi, “Sa uli kulubasu lwesu nabi kulubasu lwa balwani besu?”