Matalikilo 32:20 - Baibo Busansulushi Bwa Libuku Ili

²⁰ Kutalubaako kwaamba ayi, ‘Jakobo musebenshi wanu utoosa alakwe pesule.’ ” Jakobo wakalinga kuyeeya ayi, “Ntoomukalika moyo kwiinda mushipo ishi alimwi na tukumane mpashi utoondekelela.”

Matalikilo 32:20 ပူးပေါင်းရင်းမြစ်များ

Matalikilo 32:19

Wakapa mulasho womwi weenka uyo kuwabili, watatu akubamwi boonse bakalinga bapekwa litanga litanga kwaamba ayi balame. Wakaamba ayi, “Noonse mulyeelete kwaamba bweenka ubo na mumukumanye Esau.

Matalikilo 32:21

Wakatanjisha shipo mpeeke lakwe mashiku ayo wakoona pamusumba.

Matalikilo 43:11

Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi.

1 Baami 20:31

Bacinenenene bakwe bakesa kuli nguwe akwaamba ayi, “Twanyumfwa ayi bamaami bene Isilaeli balicite nkumbu. Amutusuminishe tuye kumwaami wa bene Isilaeli katufwete amasaka mumakome alimwi akwaanga ntambo munshingo. Mpashi inga wamulekelela mwebo kwaamba ayi atamucaayi.”

Tushimpi 15:18

Muntu ucite kamoyo kaniini ulabusha kwaambana, sombi ushiite caamba ulaleta luumuno.

Tushimpi 16:14

Bukali bwa mwaami bulatola kulufu, sombi musongo inga wakonsha kubootobeka.

Tushimpi 18:16

Cipo cilacalula mulyango kuli wooyo upa, akumulengesha kubonana abantu bacite bulemu.

Tushimpi 21:14

Cipo cipekwa mubushishi cilatontosha moyo. Ee, cipo cashiswa mucakufwala ca peculu cilabombya bukali buyoosha.

Tushimpi 6:35

Teshi akasumineewo kulipilwa nakaceyi alimwi ulakaka kupekwa makulo nabi afule buyani.

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.

1 Samwelo 6:5

Mulyeelete kupanga shili anga nshuute sha golodi ashili anga mbakoswe isho shitoonyonyoola cishi canu. Alimwi mulyeelete akulemeka Lesa wa bene Isilaeli. Mpashi inga wacileka kutondesha bukali kuli ndimwe, balesa banu alimwi acishi canu.