Matalikilo 30:2 - Baibo Busansulushi Bwa Libuku Ili

² Jakobo wakakalalila Lakelo akwaamba ayi, “Nshikoonshi kuba mumusena wakwe Lesa. Lakwe ngowakakulengesha kubula baana.”

Matalikilo 30:2 ပူးပေါင်းရင်းမြစ်များ

Matalikilo 16:2

Aboobo wakaambila Abulamu ayi, “Mwaami Lesa wankasha kwaamba ayi mbe abaana. Kamuya mukumanebo amusha wangu. Mpashi inga wanshalilaako baana.” Abulamu wakasumina cakaamba Salai.

Matalikilo 20:18

Ceebo cakwe Saala muka Abulaamu, Mwaami Lesa wakalengesha ayi banakashi boonse ba kuŋanda yakwe Abimeleki babule nshalo.

Matalikilo 25:21

Labeka taakalinga kukonsha kushala, aboobo Isaki wakamupaililaako kuMwaami Lesa. Lesa alakwe wakakumbula mupailo wakwe lyalo wakamita.

Matalikilo 29:31

Mwaami Lesa ndyaakabona kwaamba ayi Leya taakalinga kusunikwi bwakalinga kusunikwi Lakelo, wakalengesha ayi lakwe akonshe kuba abaana, sombi Lakelo awomuubo.

Matalikilo 31:36

Lyalo Jakobo wakakalala. Mpeeke wakeepusha cabukali ayi, “Ncibiibinshi ncendacita? Ngumulawonshi ngondasotoka uyo wamupa nkusu shakunoosa cimfwima anga ngumunyama?

Matalikilo 50:19

Sombi Josefu wakabaambila ayi, “Mutaloondi, nebo nshikoonshi kulibika mumusena wakwe Lesa.

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

Kulumbaisha 113:9

Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!

Kulumbaisha 127:3

Baana ncipo kuswa kuMwaami Lesa, ncakwiila ncilambu ncaatupa.

Kulonga 32:19

Ono Mose ndyaakashika pafwaafwi amisumba akubona mucende mwaana alimwi abantu bakalinga kushana, wakakalala abuumbi. Mpomunyaawo panshi lya kalundu, mabwe apampamene ayo ngaakalinga kucite wakaawaala panshi, akupwaika.

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Luka 1:42

Mpomunyaawo wakoolobesha aliswi lya peculu ayi, “Ulicite coolwe ciinda pabanakashi boonse. Awooyo ngweshi ukashale ulicite coolwe.

Bene Efeso 4:26

Ono na mwakalala, kukalala kwanu kutamulengeshi kubisha alimwi tamweelete kukalala cakwipisha lisuba.

1 Samwelo 1:5

Ono mukwiinga wakalinga kusuni Aana abuumbi, lakwe wakalinga kumupa shipansha shobilo nakubi kwaamba ayi Mwaami Lesa wakeemika lushalo lwakwe.