Matalikilo 3:22 - Baibo Busansulushi Bwa Libuku Ili

²² Lyalo Mwaami Lesa wakaamba ayi, “Ono muntu waba bweenka mbuli ndiswe, washiba bubotu abubi. Teelete kusuminishikwa kuyapa akulya cisepo ciswa kucisamu cipa buumi, kwaamba ayi anoolibo muumi lyoonse.”

Matalikilo 3:22 ပူးပေါင်းရင်းမြစ်များ

Matalikilo 1:26

Ono Lesa wakaamba ayi, “Atulenge muntu mucikoshanyo cesu, anooboneka anga ndiswe. Bakanokweendelesha nswi sha mumaanshi, bayuni bauluka, banyama bafubwa, banyama bamuluundu ashilongolo shinene atuniini sheenda panshi shoonse.”

Matalikilo 2:9

Mpeeke wakalengesha ayi mumene shisamu shibotu akucata shisepo shibotu. Sombi pakati ka muunda pakalinga kwiimfwi cisamu cipa buumi, acisamu cipa lushibo lwa bubotu abubi.

Matalikilo 3:21

Kuswawaawo Mwaami Lesa wakapangila Adamu amukaakwe shakufwala kuswa kushipaya sha banyama, akubafwalika.

Matalikilo 3:23

Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita.

Matalikilo 3:5

Lesa ulishi kwaamba ayi na mwalyaako, meenso anu inga acaluka, alimwi ayi inga mwaba mbuli nguwe mukwishiba shibotu ashibiibi.”

Kulumbaisha 22:26

Bakandu balaakulya akukuta. Abo balambila Mwaami Lesa balaakumulumbaisha. Ncakwiila kabeendela buumi lyoonse.

Tushimpi 3:18

Busongo buli anga cisamu cipa buumi kubaabo babukakatila alimwi bulapa coolwe kubantu babucatisha.

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Ciyubululo 22:2

Akalinga kukunkila pakati ka nshila ya mundabala inene. Muloombe lwa mulonga uyu moonse mobilo, mwakalinga cisamu cipa buumi. Cisamu ici cilacata shisepo mankanda ali likumi aobilo mumwaaka, nkokwaamba ayi linkanda lyomwi mumweenshi. Matewu a ncico aalo ngakushilikisha mishobo yoonse ya bantu.