Matalikilo 3:16 - Baibo Busansulushi Bwa Libuku Ili

¹⁶ Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

Matalikilo 3:16 ပူးပေါင်းရင်းမြစ်များ

Matalikilo 4:7

Necalinga cakwaamba ayi wacita cintu ciluleme naakwiinga walinga kusangalete. Ono ceebo cakwaamba ayi wacita citaluleme, cibiibi citookupensha mumoyo. Citooyanda kwaamba ayi cikweendeleshe sombi ulyeelete kucikoma.”

1 Makani 4:9

Kwakalinga musankwa wiitwa ayi Jabesi uyo wakalinga kulemekwa abuumbi kwiinda bamakwabo. Banyina mbobakamutumba ayi Jabesi mukwiinga bakapenga abuumbi pakumutumbuka.

Esita 1:20

Lyalo na mulawo wanu nobaami waambilishikwe mubwaami bwanu bunene ubu, banakashi boonse balaakunoolemeka bameebaabo, babile nabi bakandu.”

Kulumbaisha 48:6

Mpomunyaawo boowa bwakabacata akulisukama kunene. Ee, cakubabo anga ngumwanakashi ucite lifumo lyabuka.

Isaya 13:8

Ee, boowa bulaakubacata cankusu. Kucisa abuumba shilaakubasakata. Balaakunootongelabo anga ngumwanakashi ucite lifumo lyabuka. Balaakunoolangilishanya cakukankamana, shiwa kashilokete kunsoni.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Jelemiya 49:24

Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 6:24

Bene Jelusalemu baamba ayi, “Twakanyumfwa makani apali mbabo, aboobo maanseesu akatontola. Buumba bwatucata, tutoonyumfwabo anga ngumwanakashi uli pankata.

Shakubelenga 30:13

Ibaye ulicite nkusu shakusumina nabi kukasha kushomesha cakulumbila kwakwe kuli koonse,

Joni 16:21

Na walutundu uli pakati mumala mwabuka, ulapenshekwa ceebo ciindi cakupenga kwakwe cashikila. Sombi na wapulukaamo ulalubaako akupenga kwakwe ceebo ulasangalala ayi mwaana washalwa mucishi.

1 Bene Kolinto 11:3

Ono ndisuni mwishibe kwaamba ayi Klistu ngumunene pamusankwa womwi awomwi. Musankwa ngumunene pamukaakwe, alakwe Lesa ngumunene pali Klistu.

1 Bene Kolinto 14:34

banakashi balyeelete kuumuna muciindi ca kulambila. Tabasuminishikwi kwaamba alimwi bweenka bwaamba Milawo ya baJuda, tabeelete kweendelesha.

1 Bene Kolinto 7:4

Mubili wa mwanakashi teshi waakwe eenka, sombi ngwa ibaye alakwe. Mbweeke ubo alakwe musankwa teshi ngomwine mubili eenka, sombi amukaakwe.

Bene Kolose 3:18

Nobanakashi, kamuliceesha kubameebaanu mukwiinga mwine Klistu mbwaaelete kucita.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

1 Timoti 2:13

Ceebo Adamu wakataanguna kulengwa, lyalo pesule Efa.

1 Timoti 2:15

Sombi mwanakashi ulaakupulushikwa kwiinda mukushala baana, na watolelela kushoma, kuba alusuno, kunoosalalite alimwi akulibombya.

Taitasi 2:5

kuba balitibuka, batacite kampenda, bapisooka paŋanda, bacite nkumbu, banyumfwila bameebaabo kwaamba ayi maswi akwe Lesa atacobolwi.