Matalikilo 29:2 - Baibo Busansulushi Bwa Libuku Ili

² Cakuteengashila wakashika pamukalo wakalinga mumuunda. Pakalinga amatanga otatwe a mbelele kashilete kushinguluka mukalo. Matanga aya akalinga kunwita pamukalo uyo weenka. Pamulomo wa mukalo uyo pakalinga libwe linene abuumbi.

Matalikilo 29:2 ပူးပေါင်းရင်းမြစ်များ

Matalikilo 24:10

Lyalo musebenshi uyo wakabwesa ngamela shili likumi ashintu shiinji shibotu shakwe Abulaamu, akuya kundabala yakalinga kwikalaako Nawoli, kulubasu lwa kumatwa lwa Mesopotamya.

Matalikilo 24:11

Ndyaakashika wakalengesha ngamela isho koonaako pamukalo, pansengwe lya ndabala inene. Paciindi ico lisuba lyakookama, ono nceciindi banakashi ncebakalinga kwisa mukuteka maanshi.

Matalikilo 24:13

Mbulya ndi waano pamukalo banakashi bacikula bwangu ba mundabala inene iyi mpweshi banoosa mukuteka maanshi.

Matalikilo 29:3

Beembeshi bakalinga kucita na matanga a mbelele oonse abungana, balikunkulushaawo libwe ilyo akutekelela mbelele. Kumana boobo balipilimwitaawo alimwi.

Kulumbaisha 23:2

Ulandekela mumafulo acite mweemfu, akuntola kumaanshi abotu atafundeene.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Joni 4:6

Uko nkokwakalinga amukalo wakwe Jakobo. Jesu wakalinga kulemete mukwiinga wa mushinso, aboobo wakekala kweela mukalo. Paciindi ico lisuba lyakalinga pakati ka mutwi.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”

Boomboloshi 5:11

Amukutike maswi a beshikwiimba kumikalo. Uko nkobatokwiimba pakukoma kwa Mwaami Lesa, kukoma kwa bashilumamba bene Isilaeli. Lyalo bantu ba Mwaami Lesa bakeenda kuswa mumishi yabo.