Matalikilo 28:14 - Baibo Busansulushi Bwa Libuku Ili

¹⁴ Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Matalikilo 28:14 ပူးပေါင်းရင်းမြစ်များ

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 13:14

Loti ndyaakaya, Mwaami Lesa wakaambila Abulamu ayi, “Kuswawaawo mpoobete, langishisha kabotu kumatwa akumalenge, kwicwe akumbo.

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Matalikilo 18:18

Bamulunyungu lwakwe balaakuba mushobo unene wiindaawo, alimwi nkwiinda muli nguwe mweshi nkapete coolwe mishobo yoonse.

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 32:12

Amwiibaluke kwaamba ayi mwakandasha ayi mulaakunyenshela shintu shoonse kabotu akumpa bamulunyungu abo muntu mbaatakoonshi kubelenga, nkokwaamba ayi baanji anga ngumuseese wa muloombe lwa lweenge.”

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

Matalikilo 48:19

Sombi baishi bakakaka akwaamba ayi, “Ndishi omwanaangu, ndishi. Alakwe ulaakuba mushobo alimwi alakwe ulaakuba muntu ulemekwa. Nakubi boobo, mwanike wakwe ulaakwiindaawo alimwi bamulunyungu lwakwe balaakuba likoto lya mishobo.”

2 Makani 1:9

Ono noBaami baLesa, baLesa bangu, amucite kweelana ambomwakashomesha bata. Mwanengesha kuba mwaami wa bantu aba baanji anga ngumuseese.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Isaya 54:3

Nyinsa kumbasu shoonse ncakwiila ulaakushisenya. Bantu bako balaakubwesa cishi ico cili mumaansa a mishobo imwi bulya. Ee, mandabala anene ayo alinga mumatongo alaakusula bantu alimwi.

Shakubelenga 23:10

Ngani weenga wabelenga bamulunyungu lwakwe Jakobo? Ncakwiila mbaanji anga ngumuseese. Inshiku shangu anshimanishe anga ngumuntu wakwe Lesa. Amfwite muluumuno anga mbantu baluleme.”

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

Milimo ya Batumwi 3:25

Shintu shoonse Lesa nshaakashomesha kwiinda mubalaluki bakulukulu nshanu ceebo muli bamucipangano ico Lesa ncaakacita abamashali banu bakulukulu kweelana ambwaakaambila Abulaamu ayi, ‘Kwiinda mulunyungu lwako ndaakupa coolwe bantu boonse ba mucishi ca panshi.’

Bene Galatiya 3:16

Anu Lesa wakashomesha Abulaamu shintu shimwi alimwi aumwi wamulunyungu lwakwe. Taakwe kwaamba ayi, “Bamulunyungu lwako” anga mbaanji, sombi ayi, “Wamulunyungu lwako” ceebo wakalinga kwaambabo muntu womwi, Klistu.

Bene Galatiya 3:8

Lesa wakaambila limwi muMalembo akwe ayi ulaakululamika baswamashi bakunsengwe kwiinda mulushomo lwabo. Anu Lesa wakashimikila limwi Makani Abotu kuli Abulaamu kwiinda muMalembo akwe ayi, “Muli ndiwe, Lesa ulaakupa coolwe kumishobo yoonse ya bantu.”

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Dutolonomi 12:20

“Na Mwaami Lesa, Lesa wanu akakomenye cishi canu, kweelana ambwaakashomesha, mulaakunoolya nyama ciindi cili coonse ncemusuni.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Ciyubululo 7:4

Mpomunyaawo ndakalwiitwa ayi bantu abo bakalinga kucite twishibilo twakwe Lesa pankumo, bakalinga 144,000. Bakaswa kumikowa ya bene Isilaeli ili likumi ayobilo.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.