Matalikilo 28:12 - Baibo Busansulushi Bwa Libuku Ili

¹² Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.

Matalikilo 28:12 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 15:12

Lisuba ndilyakalinga kuya cipila, Abulamu wakoona mutulo. Mpeeke munshinshe ulemu alimwi uyoosha wakesa pali nguwe.

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”

Matalikilo 41:1

Ndipakeenda myaaka yobilo, Falawo mwaami wa Ijipiti wakalota kaaimfwi munshaaMulonga wa Nailo,

1 Baami 19:5

Wakoona mucimfule mulya akuya mutulo. Lyalo cakuteengashila munjelo wa Mwaami Lesa wakamubusha akwaamba ayi, “Buka ulye.”

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Danyelo 7:1

Mumwaaka wakutaanguna wa bwaami bwakwe Beloshasa, mwaami wa bene Babiloni, nebo neDanyelo ndakalota akubona shili anga nshiloto mashiku kaandete pabulo bwangu. Ciloto ico ndakacilemba.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 2:19

Ono Elodi ndyaakafwa, munjelo wa Mwaami Lesa wakaboneka kuli Josefu kaacili kuIjipiti muciloto,

Joni 1:51

Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?