Matalikilo 27:24 - Baibo Busansulushi Bwa Libuku Ili

²⁴ Ono wakeepusha alimwi ayi, “Sa ncakwiila ndiwe Esau?” Alakwe wakakumbula ayi, “Ee ndime.”

Matalikilo 27:24 ပူးပေါင်းရင်းမြစ်များ

Matalikilo 27:23

Taakwe kumwishiba Jakobo mukwiinga mikono yakwe yakalinga kunyumfwika booya anga njimikono yakwe Esau. Isaki wakalinga wayanda kale kumupa coolwe.

Matalikilo 27:25

Isaki wakaamba ayi, “Ndetele nyama imwi iniini. Ndamana kulya ntookupa coolwe.” Jakobo wakamuletela alimwi wakaleta awaini ayi anwe Isaki.

2 Samwelo 14:5

Mpeeke mwaami wakeepusha ayi, “Nciinshi cakushupa?” Wakakumbula ayi, “Nebo ndi mukalubinje, beebaangu bakafwa.

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Jobo 15:5

Cibiibi cako ncakwiila ceeisha mulomo wako shakwaamba. Mulaka wako wababo anga ngwa muntu ucenjete cabusulwe.

Tushimpi 12:19

Lushinisho lulakalilila lyoonse alyoonse, sombi bubeshi bulafwambaana kwishibwa.

Tushimpi 12:22

Mwaami Lesa ulipatite milomo ibeca, sombi ulasangalalila mubantu baamba shalushinisho.

Tushimpi 30:8

Amutalamushe kubeca kuswa kuli ndime. Mutanengeshi kuba mukandu nabi kuba mubile, sombi mumpebo cakulya cangu ca nshiku shoonse.

Sekaliya 8:16

Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo

1 Samwelo 21:13

Mpeeke wakalicinkushacinkusha pameenso abo kushikila ndyaakaswaako. Wakalinga kukwaloola pacisasa ca kumwinjililo akuleka mate kaapwelela pandesu.

1 Samwelo 21:2

Defedi wakakumbula ayi, “Kuli ncaantuma mwaami ayi ncite, alimwi wankasha kulwiita muntu nabi womwi milasho njaampa. Bantu bangu balo ndabalwiita kale nkoonjelete kukumaninaabo.

1 Samwelo 27:10

Mpeeke Akishi na weepusha ayi, “Ino sunu mwalingila kuli mukusaala?” Defedi wakalinga kwaamba ayi, “Twalingila kulubasu lwa kumalenge a cishi ca Juda, na ayi kucishi ca bene Jalamilu nabi ayi kucishi ca bene Keni.”