Matalikilo 26:31 - Baibo Busansulushi Bwa Libuku Ili

³¹ Macuunsacuunsa bushiku bwakaboolaawo, womwi awomwi wakashomesha cakulumbila. Lyalo Isaki wakabashindikila, mpeeke bakapansaana kabali beshicibusa.

Matalikilo 26:31 ပူးပေါင်းရင်းမြစ်များ

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

Matalikilo 19:2

akwaamba ayi, “Nobamaami bangu, nebo ndiwaano kwaamba ayi mucaafwe. Ndasengesha ayi tushike kuŋanda yangu. Inga mwasambaako kushimpanta alimwi akoona kwaamba ayi ciilo mukafumebo kunooya palweendo lwanu.” Sombi bakakumbula ayi, “Ne, tutokoona pansengwe mweenka muno mundabala inene.”

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.

Matalikilo 21:23

Ono amushomeshe cakulumbila kuli Lesa kwaamba ayi teshi mukacenjeekeewo ndime, bana bangu, nabi bamulunyungu lwangu. Ndashomeka kuli ndimwe, amwebo amushomeshe ayi munanooshomeka kuli ndime alimwi akucishi cino umo momutekwikala.”

Matalikilo 21:27

Lyalo Abulaamu wakapa Abimeleki mbelele aŋombe, mpomunyaawo abo bobilo bakapanga cipangano.

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Matalikilo 25:33

Jakobo wakakumbula ayi, “Taanguna shomesha cakulumbila ayi utoompa bunenebantu bwako.” Esau wakashomesha cakulumbila akupa Jakobo bunenebantu bwakwe.

Matalikilo 26:32

Pabushiku ubo basebenshi bakesa balwiita Isaki shamukalo ngobakakaba. Bakaamba ayi, “Twaacana maanshi.”

Matalikilo 31:44

ndilibambite kupanga cipangano awebo ayi cibe anga ngukamboni pakati kesu.”

Matalikilo 31:55

Macuunsacuunsa bushiku bwakaboolaawo, Labani wakafyonta bashikulu abana bakwe akubalasha. Mpeeke wakanyamuka kuboolela kumishaabo.

Bene Ebulu 6:16

Bantu balalumbila muliina lya muntu wiinda pali mbabo, paceebo ceeco, kulumbila kwancinencine kwa mushobo wooyu, kulamanisha shimpikisha shoonse pakati kabo.

1 Samwelo 14:24

Ono bushiku ubo bene Isilaeli bakalinga balefuka kunsala mukwiinga Saulo, kwiinda mukushomesha cakulumbila kuli Lesa, wakalinga waambilisha ayi, “Lishingo libe pamuntu uli woonse eshi alye cakulya bushiku bwasunu kaantana kuboosha cishole pabalwani bangu.” Aboobo taaku shilumamba nabi womwi wakalya bushiku ubo.

1 Samwelo 20:3

Sombi Defedi wakaamba ayi, “Baiso balishi kwaamba ayi webo ulanyumfwana bumbi anebo. Aboobo bayeeya kutakushibisha muyeeyo ngobacite mukwiinga balishi ayi inga cakupa buumba. Ono ntooshomesha cakulumbila ayi, ‘Bweenka mbocibete lushinisho ayi Lesa ngumuumi anebo lufu lulibo muliimfwa.’ ”

1 Samwelo 30:15

Mpomunyaawo Defedi wakeepusha ayi, “Sa inga wantoola kubete likoto lya bashilumamba ilyo ndiwakalingaalyo?” Alakwe wakakumbula ayi, “Inga ndamutola nkolibete na mwanshomesha cakulumbila muliina lyakwe Lesa ayi teshi muye mukancaaye nabi kumboosha kumwaami wangu.”