Matalikilo 25:8 - Baibo Busansulushi Bwa Libuku Ili

⁸ Wakafwa kaali paciimo cakwiinga ayi wakalya weenkula, amyaaka imweelete.

Matalikilo 25:8 ပူးပေါင်းရင်းမြစ်များ

Matalikilo 15:15

Webo omwiine ulaakwikala buumi buswite kushika kubucembele, ulaakufwa muluumuno akubikwa.

Matalikilo 25:17

Ishimaeli wakekala myaaka ili 137. Lyalo wakafwa.

Matalikilo 25:7

Abulaamu wakekala myaaka ili 175.

Matalikilo 35:18

Sombi Lakelo wakalinga kuya cifwa, mpeeke ndyaakayanda kutula moyo wakatumba mwanaakwe ayi Benoni, nakubi boobo baishi bakamutumba ayi Benjameni.

Matalikilo 37:35

Mpeeke boonse bana bakwe basankwa abanakashi bakesa mukumutontosha kulila, sombi wakakaka akwaamba ayi, “Ndaakufwitaamobo kaandila mwanaangu musankwa.” Aboobo wakatolelela kulila Josefu mwanaakwe.

Matalikilo 49:29

Lyalo Jakobo wakaamba ayi, “Bulya mboontoofwa, kukonkela bamakwesu, mukambike kulete bashali bangu bakulukulu mucimfwengo cili mumuunda wakwe Efuloni mwine Iti,

Matalikilo 49:33

Jakobo ndyaakamanisha kulasha bana bakwe, wakoona alimwi, mpeeke wakafwa.

Matalikilo 50:13

Bakanyamuna mubili wakwe, bautola kuKenani akuubika mucimfwengo ca Makipela, kwicwe lya Mamule, mumuunda Abulaamu ngwaakoola kuli Efuloni mwine Iti, kwaamba ayi abe maanda.

1 Makani 23:1

Defedi ndyaakacembela bunene wakabika Solomoni mwanaakwe pabwaami bwa bene Isilaeli.

1 Makani 29:28

Wakafwa kaali paciimo cakwiinga ayi wakalya weenkula, amyaaka imweelete kaalemekwa alimwi kaabilite. Solomoni mwanaakwe ngowakapyana bwaami bwakwe.

2 Makani 24:15

Lyalo wakacembela abuumbi akufwa kaacite myaaka ili mwaanda amyaaka makumi otatwe.

Jobo 41:32

Munshila mweenga weenda mulacaala kamubembelabo. Lweenge lulaboolabo tuu kulyoofu ndyaashiya.

Jobo 42:17

Wakafwa kaacite myaaka iinji abuumbi.

Jobo 5:26

Ulaakwikala buumi bulaamfu abuumbi alimwi ulaakunoolibo muyumu kushikila bushiku waakufwa.

Tushimpi 20:29

Bulemu bwa basankwa bacikula bwangu ninkusu shabo, abwalo bulemu bwa bamacembele nimfwi shabo.

Jelemiya 6:11

Sombi nebo ndiswitebo bukali bwanu noBaami baLesa cakwaamba ayi nshikoonshi akuliciba, sobwe.” Lyalo Mwaami Lesa wakaŋambila ayi, “Koya ubupoomwete pabanike bali mumikwakwa apabacikula bwangu babungene pomwi. Musankwa amukaakwe pantu pomwi abacembele bacite myaaka iinji boonse balaakutolwa kubukali ubo.

Shakubelenga 20:24

“Aloni teshi akenjile mucishi ico ncendakalasha kupa bene Isilaeli. Ulaakufwa mukwiinga mwebo nobilo tamukwe kunyumfwila mulawo wangu kuMeliba.

Shakubelenga 27:13

Wamana kucibona, utoofwa bweenka bwakafwa mukwanu Aloni.

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Milimo ya Batumwi 13:36

Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola.

Milimo ya Batumwi 5:10

Lyalo mwanakashi uyo wakawita muliimfwa lyakwe Pita, wafwa. Mpeeke basankwa abo ndibakenjila, bakacana ayi wafwa. Alakwe bakamunyamuna baya bamufukilabo lubamba acuumbwe ca beebaye.

Milimo ya Batumwi 5:5

Mpeeke Ananiyasi ndyaakanyumfwabo maswi aya, wakawita panshi, wafwa. Lyalo bantu boonse bakanyumfwa shakacitika bakaloonda abuumbi.

Dutolonomi 32:50

Na ukatante pakalundu ako, ulaakufwa peenka apo, bweenka mbuli mukwanu Aloni mbwaakafwita paKalundu ka Oli,

Boomboloshi 2:10

Ono bamulishalane ili lyoonse ndibakamana kufwa, kwakesa lishalane limwi ilyo lyatakalinga kwishi Mwaami Lesa anshaakacitila bene Isilaeli.

Boomboloshi 8:32

Ndikwakeenda nshiku shiinji Gidyoni wakacembela akufwa. Bakamubika mucuumbwe ca baishi ba Joashi kuOfula ndabala ya bamucipani cakwe Abiyesa.