Matalikilo 24:7 - Baibo Busansulushi Bwa Libuku Ili

⁷ Mwaami Lesa, Lesa wa kwiculu uyo wakankusha muŋanda ya bata mucishi cine misheesu alimwi uyo wakaamba kuli ndime wakashomesha cakulumbila ayi, ‘Bamulunyungu lwako ndaakubapa cishi ici.’ Ulaakutuma munjelo kootana kushika kulya kwaamba ayi ukakonshe kucanina mwanaangu, mwanakashi wakweeba.

Matalikilo 24:7 ပူးပေါင်းရင်းမြစ်များ

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 15:18

Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,

Matalikilo 16:7

Ono munjelo wa Mwaami Lesa wakakumanya Aga pakantupu muluyanga, munshila iya kuSheli

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Matalikilo 21:17

Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako.

Matalikilo 22:11

Sombi munjelo wa Mwaami Lesa wakamwiita kuswa kwiculu ayi, “Abulaamu, Abulaamu!” Alakwe wakakumbula ayi, “Nkambo.”

Matalikilo 24:3

Ndisuni kwaamba ayi ushomeshe cakulumbila muliina lya Mwaami Lesa, Lesa wa kwiculu acishi ca panshi ayi teshi ukeebele mwanaangu pabanakashi ba momuno muKenani.

Matalikilo 24:40

Bakakumbula ayi, ‘Mwaami Lesa uyo ngonyumfwila lyoonse ulaakukutumina munjelo kwaamba ayi akakulengeshe kukonsha kucita ubo. Mwanakashi weelete kweeba mwanaangu ulyeelete kuswa kubene misheesu pakati ka bamulunyungu lwa bata.

Matalikilo 26:24

Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Kulumbaisha 136:26

Amulumbe Lesa wa kwiculu, ee, mukwiinga lusuno lwakwe ndwamuyayaya.

Kulumbaisha 32:8

Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

Kulumbaisha 73:24

Mulantanjilila amilasho yanu nobeene, kumamanino mulaakunjisha mubulemu bwanu.

Kulonga 13:5

Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse.

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Kulonga 33:2

Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”

Shakubelenga 11:12

Teshi ndime ndakabamita nabi kubashala. Ceebonshi mwandwiita ayi noobalela akubanyamuna mumaansaangu anga mbakateta kushikila mucishi ico ncemwakalasha bamashali babo bakulukulu?

Shakubelenga 14:16

mwakacaya bantu banu muluyanga mukwiinga tamukwe kukonsha kubashisha mucishi ncemwakabalasha.

Shakubelenga 14:30

Ndakamulasha ayi mulaakwikalaamo, sombi taaku weshi akeekaleemo kukushakobo Kalebu mwanaakwe Jefune alimwi aJoshuwa mwanaakwe Nani.

Shakubelenga 32:11

‘Mukwiinga tabakwe kutolelela kunyumfwila, taaku musankwa nabi womwi, wakaswa mucishi ca Ijipiti, ucite myaaka ili makumi obilo aisotoka, eshi akenjile mucishi ico ncendakashomesha kupa Abulaamu, Isaki alimwi aJakobo.

Milimo ya Batumwi 7:5

Paciindi ico Lesa kaatana kumupa cishi naciceyi, sombi wakamushomesha ayi ulaakupa cishi ici kuli nguwe alimwi alunyungu lwakwe nakubi kwaamba ayi taakalinga kucite mwaana.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 34:4

Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 11:9

Kwiinda mulushomo ndomunya, wakekala anga ngumuswamashi mucishi ico Lesa ncaakamushomesha. Isaki aJakobo abo abalo bakatambula kushomesha kwakwe Lesa, bakalinga kwikala mumatente mbuli Abulaamu.

Joshuwa 1:6

Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.

Joshuwa 24:3

Lyalo ndakabwesa Abulaamu, mushali wanu mukulukulu, kuswa mucishi cili kwitala lya Mulonga wa Yufuletisi akumutanjilila kuya mucishi coonse ca Kenani. Ndakamupa bamulunyungu lwakwe baanji. Ndakamupa Isaki,

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Boomboloshi 2:1

Mpeeke munjelo wa Mwaami Lesa wakaswa kuGilugala akuya kuBokimu uko nkwaakaya mukwaambila bene Isilaeli ayi, “Ndakamukusha kuIjipiti akumuleta mucishi ncendakashomesha bamashali banu bakulukulu. Ndakaamba alimwi ayi, ‘Teshi nkapwaaye cipangano ncendakapanga amwebo.