Matalikilo 24:24 - Baibo Busansulushi Bwa Libuku Ili

²⁴ Labeka wakakumbula ayi, “Bata mbaBetiwelo bana babo baNawoli muli baMilika.

Matalikilo 24:24 ပူးပေါင်းရင်းမြစ်များ

Matalikilo 11:29

Abulamu wakeeba Salai, alakwe Nawoli wakeeba Milika mwanaakwe Alani mwanakashi. Alani wakalinga ishi Milika alimwi aIsika.

Matalikilo 22:20

Bumwi bushiku kunembo Abulaamu wakesa weshiba ayi Milika mulamu wakwe wakashala baana bali bosanwe abotatwe kuli Nawoli.

Matalikilo 22:23

Betiwelo ngowakalinga ishi Labeka. Milika ngowakashala baana aba bali bosanwe abotatwe kuli Nawoli mukwabo Abulaamu.

Matalikilo 24:15

Kaatana kumanisha kupaila Labeka wakapola anongo pacifushi. Wakalinga mwanaakwe Betiwelo uyo wakalinga mwanaakwe Milika mukaakwe Nawoli, mukwabo Abulaamu.

Matalikilo 24:23

Mpeeke wakeepusha ayi, “Ino baiso mbaani? Sa musena ngunene muŋanda yabo cakwaamba ayi nebo abantu bangu inga twesa toonaako?”

Matalikilo 24:25

Kuli bwiisu bwakoonaawo buunji ashakulya sha banyama shiinji kuŋanda yesu alimwi musena wakwaamba ayi mwebo inga moona nkooli.”

Matalikilo 24:47

Mpomunyaawo ndamwiipusha ayi, ‘Baiso mbaani?’ Lakwe wankumbula ayi, ‘Bata mba Betiwelo bana babo ba Nawoli abaMilika.’ Mpomunyaawo ndakamubika ninga munshono amakosa kumikono yakwe.

Matalikilo 29:5

Lyalo wakeepusha ayi, “Sa baLabani bana babo baNawoli mulibeshi?” Bakakumbula ayi, “Ee, tulibeshi.”