Matalikilo 22:9 - Baibo Busansulushi Bwa Libuku Ili

⁹ Ndibakashika apo Lesa mpaakamulwiita, Abulaamu wakayaka cipaililo akubambaawo nkuni. Wakaanga mwanaakwe akumubika pacipaililo, peculu lya nkuni.

Matalikilo 22:9 ပူးပေါင်းရင်းမြစ်များ

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 12:8

Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Matalikilo 22:10

Mpomunyaawo wakabwesa cibeshi ayi amucaaye.

Matalikilo 22:8

Abulaamu wakakumbula ayi, “Lesa mwiine ulatupa.” Mpeeke kabayabo.

Matalikilo 8:20

Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.

1 Baami 18:33

Lyalo wakabika nkuni peculu lya cipaililo. Wakatimboola mucende shipimpitapimpita akushibika pankuni. Lyalo wakabaambila ayi, “Amubike maanshi mumingomo yone akwaatila pamulambu ankuuni.” Abalo bakacita bweenka ubo.

Kulumbaisha 118:27

Mwaami Lesa ncakwiila nguLesa, ulatucitila shibotu. Amutalike kusekelela kamucite amalala mumaansa, tibili muye mukashiike akucipaililo.

Mateyo 27:2

Mpeeke Jesu bakamwaanga akumutola mumaansa akwe Pilato, mweendeleshi wa kuLoma.

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Milimo ya Batumwi 8:32

Maswi a muMalembo ngaakalinga kuya cibelenga ngaaya, “Wakalinga anga nimbelele itootolwa mukucaikwa, alimwi anga ngumwanaambelele utaliili pakuceswa booya. Taakwe kwaambaawo nabi liswi lyomwi.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

Jemusi 2:21

Ishiwesu mukulukulu Abulaamu wakalulamikwa pameenso akwe Lesa ceebo ca ceeco ncaakacita cakubenga Isaki mwanaakwe pacipaililo.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.