Matalikilo 21:20 - Baibo Busansulushi Bwa Libuku Ili

²⁰ Lesa wakalinga amwaana uyo mukukula kwakwe. Mwaana uyo wakakulila muluyanga lwa Palani akuba shikufwima ucibwene.

Matalikilo 21:20 ပူးပေါင်းရင်းမြစ်များ

Matalikilo 10:9

Nimulodi wakalinga mufwimi wiindaawo kwiinda mulucafwo lwa Mwaami Lesa. Nceceeco bantu ncebacitile mwaambo wakwaamba ayi, “Lesa aakulengeshe kuba mufwimi wiindaawo mbuli Nimulodi!”

Matalikilo 16:12

Sombi mwanaako uyo ulaakunookala anga nimbongolo ya muluundu. Ulaakunoopatite bantu boonse, alakwe bantu boonse balaakunoomupatite. Ulaakunoopatitwe kubamakwabo boonse.”

Matalikilo 17:20

Ndanyuumfwa kusenga kwako pali Ishimaeli, aboobo ntoomupa coolwe cakuba abaana alimwi abamulunyungu lwakwe baanji. Ulaakuba mushali wa baleli bali likumi abobilo alimwi ndaakulengesha ayi bamulunyungu lwakwe babe mushobo unene.

Matalikilo 25:27

Basankwa bobilo abo bakakula. Esau wakaba mufwimi ucibwene alimwi wakalinga kusunishi buumi bwakuya muluundu, sombi Jakobo wakalinga kuumwite abuumbi alimwi usuni kucanikabo paŋanda.

Matalikilo 27:3

Bwesa buta bwako amifwi uye muluundu uncaileewo munyama.

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Matalikilo 39:21

Sombi Mwaami Lesa wakalinga aJosefu alimwi wakamupa coolwe, cakwaamba ayi shintolongo wakakondwa buumi bwakwe.

Luka 1:80

Lyalo mwaana uyo Joni wakakula akushimpa mumushimu. Wakekala muluyanga kushikila bushiku ubo mbwaakalitondesha patuba kubantu ba muIsilaeli.

Luka 2:40

Lyalo mwaana wakakomena akuba ankusu alimwi wakaba musongo abuumbi. Aboobo coolwe cakwe Lesa cakalinga pali nguwe.

Boomboloshi 6:12

Munjelo wa Mwaami Lesa wakaboneka kuli nguwe akumwaambila ayi, “Mwaami Lesa uli andiwe, webo oshinkusu utacite boowa.”