Matalikilo 21:17 - Baibo Busansulushi Bwa Libuku Ili

¹⁷ Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako.

Matalikilo 21:17 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 16:11

Mpeeke munjelo wa Mwaami Lesa wakamwaambila alimwi ayi, “Ono bulya wamiita, ulaakuba amwaana musankwa, ulaakumutumba ayi Ishimaeli ceebo Lesa wanyumfwa mapensho ako.

Matalikilo 16:7

Ono munjelo wa Mwaami Lesa wakakumanya Aga pakantupu muluyanga, munshila iya kuSheli

Matalikilo 16:8

akumwaambila ayi, “Aga omusha wakwe Salai, waswa kuli alimwi utooya kuli?” Wakakumbula ayi, “Ndaloboka kubayoosha bangu.”

Matalikilo 16:9

Munjelo wakaamba ayi, “Boola uye ukabe musha wakwe.”

Matalikilo 22:11

Sombi munjelo wa Mwaami Lesa wakamwiita kuswa kwiculu ayi, “Abulaamu, Abulaamu!” Alakwe wakakumbula ayi, “Nkambo.”

Matalikilo 24:7

Mwaami Lesa, Lesa wa kwiculu uyo wakankusha muŋanda ya bata mucishi cine misheesu alimwi uyo wakaamba kuli ndime wakashomesha cakulumbila ayi, ‘Bamulunyungu lwako ndaakubapa cishi ici.’ Ulaakutuma munjelo kootana kushika kulya kwaamba ayi ukakonshe kucanina mwanaangu, mwanakashi wakweeba.

Matalikilo 26:24

Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

2 Baami 13:4

Kuswawaawo Jeowasi wakapaila kuMwaami Lesa. Lyalo Mwaami Lesa ndyaakabona mwaami wa bene Silya mbwaakalinga kulyatilila bene Isilaeli calunkutwe, wakumbula mipailo yakwe Jeowasi.

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 6:8

Amunsoonoke noonse nobamucita shibi! Mwaami Lesa ulanyumfwa kulila kwangu.

Kulumbaisha 65:2

Mwebo ndimwe mukumbula mipailo. Aboobo boonse balaakwisa kuli ndimwe.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 22:23

Na mwacita boobo, nebo neMwaami Lesa ndaakubakumbula na bakandilile ayi mbacaafwe.

Kulonga 22:27

mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.

Kulonga 3:2

Nkomunya uko, munjelo wa Mwaami Lesa wakaboneka kuli nguwe anga ngumulilo mucikupu. Mose wakacibona kacinyaka, sombi tecakalinga kupya.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Isaya 22:1

Aya ngamaswi aamba paCinyika ca cili anga Nciloto. Ono nciinshi cacitika calenga ayi noonse mutante peculu pashiluli shanu?

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Mateyo 15:32

Jesu wakabunganya bashikwiiya bakwe akubaambila ayi, “Ndanyumfwila nkumbu bantu aba mukwiinga bekala nshiku shotatwe anebo alimwi bulya tabacite acakulya. Nshisuni kubaambila ayi baye mwabo mwabo kabatana kulya mukwiinga inga kabaya ciwisuka munshila.”

Maako 5:36

Sombi Jesu taakwe kubikako maano kusheeshi nshebakalinga kwaamba. Wakaambila mutanjilili wa coonde ayi, “Utaloondi, babo alushomo.”

Dutolonomi 26:7

Kuswawaawo twakalilila Mwaami Lesa, Lesa wa bamashali besu bakulukulu ayi atucafweeko. Lyalo wakanyumfwa kulila kwesu akubona mbuli mbotwakalinga kupenshekwa, kupekwa milimo iyumu alimwi ambotwakalinga kuungumana abuumbi.

Boomboloshi 18:23

Mpeeke ndibakashika pafwaafwi ambabo, bakoolobesha kubene Dani. Abalo bene Dani ndibakacebuka, bakeepusha Mika ayi, “Ino capensha nciinshi ncewesita abantu baanji bobulya?”

1 Samwelo 11:5

Paciindi ico Saulo wakashika abasune bakwe kuswa kumuunda. Mpeeke wakeepusha ayi, “Anu kwabanshi? Ceebonshi bantu boonse batoolila?” Mpomunyaawo bakamulwiita makani akaleta beshinkombe ba kuJabeshi.