Matalikilo 20:7 - Baibo Busansulushi Bwa Libuku Ili

⁷ Ono mubooshe mwanakashi uyu kuli ibaye, mukwiinga ngumulaluki alimwi utookupaililaako kwaamba ayi utafwi. Ono na ubule kumuboosha ntookucenjesha kwaamba ayi webo abantu bako boonse mutoofwa.”

Matalikilo 20:7 ပူးပေါင်းရင်းမြစ်များ

Matalikilo 12:15

Bamwi bamanenenene ba kunkuta bakamubona akwaambila Falawo mwaami wabo mbuli mbwaakalinga mubotu. Aboobo wakatolwa kuŋanda yakwe Falawo.

Matalikilo 12:17

Sombi ceebo cakwaamba ayi mwaami wakabwesa muka Abulamu, Mwaami Lesa wakatuma malwashi ayoosha kuli nguwe akubaabo boonse bamuŋanda yakubwalo.

Matalikilo 2:17

sombi kutalya shisepo sha cisamu cipa lushibo lwa bubotu abubi. Mukwiinga waakulyabo, ncakwiila ulaakufwa.”

Matalikilo 20:18

Ceebo cakwe Saala muka Abulaamu, Mwaami Lesa wakalengesha ayi banakashi boonse ba kuŋanda yakwe Abimeleki babule nshalo.

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”

Matalikilo 20:8

Macuunsacuunsa bushiku bwakaboolaawo, Abimeleki wakeeta boonse bacinenenene akubalwiita shoonse shakacitika. Mpeeke bakaloonda abuumbi.

Matalikilo 23:6

“Amukutike kuli ndiswe nkambo, swebo tulamulanga ayi muli batanjilili beshinkusu shoonse. Amubike bakaanu mucuumbwe ciindaawo kubota pasheesho nshetucite. Uli woonse pakati kesu inga wakondwa kumupa cuumbwe kwaamba ayi mubikeemo bakaanu.”

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

1 Baami 13:6

Mwaami Jeloboamu wakaambila mulaluki ayi, “Ndakusenga mpailileeko kuMwaami Lesa wako kwaamba ayi alengeshe lyaansa lyangu kuba kabotu!” Mpeeke mulaluki wakapaila kuMwaami Lesa, lyalo lyaansa lya mwaami lyakaba kabotu.

2 Baami 5:11

Sombi Naamani wakakalala akuswaako bukali akwaamba ayi, “Nebo ndalinga ndayeeya ayi utoosa eemikane kuli ndime, kupaila kuMwaami Lesa, Lesa wakwe, kutandabika lyaansa lyakwe pamusena wa bulwashi akubushilika!

1 Makani 16:22

Wakalinga kubaambila ayi, “Mutacisi bantu bangu mbondakasala. Muteeleshi kucata balaluki bangu.”

2 Makani 30:18

Nakubi kwaamba ayi bantu baanji bakaswa kumukowa wakwe Efuleemu, Manase, Isaka alimwi awakwe Sebuluni tabakwe kulisalasha, bakalyaako bana ba mbelele ba bushiku bwa Pasika. Sombi tabwishi mbocakalinga kulembetwe ubo. Paceebo ceeco Esekiya wakabapaililaako ayi, “NoBaami baLesa, kwiinda mububotu bwanu, amulekelele boonse

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Jobo 42:8

Paceebo ceeci kamuya kuli Jobo musebenshi wangu mutolelele bacende bosanwe abobilo ambelele shisankwa shosanwe ashobilo kwaamba ayi mukalibengele mulambu wakutenta. Jobo utoomupaililako, anebo ntootambula mupailo wakwe kwaamba ayi ntamupi mulandu kweelana abuluya bwanu. Mwebo tamukwe kwaamba makani a lushinisho pali ndime mbuli bwakacita musebenshi wangu Jobo.”

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Kulonga 18:17

Lyalo Jetulo wakaamba ayi, “Ici ncootoocita taciluleme, sobwe.

Kulonga 4:16

Lakwe ngweshi ukanokwaambilaako kubantu. Ono webo ulaakuba anga nguLesa ceebo ulaakunoomulwiita shakwaamba.

Kulonga 7:1

Mpomunyaawo Mwaami Lesa wakaamba ayi, “Ntoolengesha ayi ube anga nguLesa kumwaami Falawo, alakwe Aloni mukwanu ananokwaamba kuli nguwe anga ngumulaluki wako.

Jelemiya 14:11

Mpomunyaawo Mwaami Lesa wakaŋambila ayi, “Utapailili bantu abo ayi shintu shibeendele kabotu.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 27:18

Na mbalaluki abo bacite maswi angu neMwaami Lesa, abakombelele kuli ndime neMwaami Lesa Shinkusu shoonse ayi shisebensesho isho shakacaala muŊanda yangu, muŋanda ya mwaami wa bene Juda amuJelusalemu shitatolwi kuBabiloni.

Esekelo 3:18

Na ndaambila mucita shibi ayi, ‘Ndushinisho webo ulaakufwa,’ ono webo wabula kumucenjesha nabi kumwaambila kwaamba ayi aleke nshila shakwe shibiibi ayi atafwi, muntu uyo ulaakufwa ceebo ca shibiibi shakwe isho. Sombi awebo ulaakupekwa mulandu pabulowa bakwe.

Esekelo 33:8

Na ndaambila mucita shibi ayi, ‘Ndushinisho webo ulaakufwa,’ ono webo wabula kumucenjesha nabi kumwaambila kwaamba ayi aleke nshila shakwe shibiibi ayi atafwi, muntu uyo ulaakufwa ceebo ca shibiibi shakwe isho. Sombi awebo ulaakupekwa mulandu pabulowa bakwe.

Bene Lefi 6:4

Ono na wabisha munshila iyi akucaninwa mulandu, ulyeelete kuboosha ncaakeepa nabi kubwesa mukucenjeeka, nabi ceeco ncaakapekwa ayi alame, nabi ceeco cakalinga kusowekete ncaakabwesa,

Bene Lefi 6:7

Mupailishi ulaakubenga mulambu wa cibiibi ca muntu uyo, aboobo ulaakulekelelwa.”

Milimo ya Batumwi 8:24

Lyalo Simoni wakaambila Pita aJoni ayi, “Anu amumpailileeko mwebo kuMwaami Lesa kwaamba ayi shoonse nshemwaamba shitancitikili.”

1 Bene Kolinto 14:4

Uyo waamba mumulaka weensu ulalicafwa mwiine, sombi waamba maswi akwe Lesa ulacafwa bamucoonde boonse kukula mulushomo.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

1 Samwelo 12:19

Mpomunyaawo bantu bakaambila Samwelo ayi, “Amutupailileeko kuMwaami Lesa, Lesa wanu, kwaamba ayi tutafwi. Tweshiiba ono kwaamba ayi peculu pashibiibi shesu shimwi shoonse, tweelikaawo acibiibi cakusenga mwaami.”

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Samwelo 7:5

Mpeeke Samwelo wakaamba ayi, “Amubunganye bene Isilaeli boonse kuMisipa kwaamba ayi nkabapailileeko kuMwaami Lesa uko.”

1 Samwelo 7:8

akwaambila Samwelo ayi, “Tolelela kutupaililaako kuMwaami Lesa, Lesa wesu kwaamba ayi atufuune kubene Filisiti.”