Matalikilo 2:7 - Baibo Busansulushi Bwa Libuku Ili

⁷ Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

Matalikilo 2:7 ပူးပေါင်းရင်းမြစ်များ

Matalikilo 1:27

Aboobo Lesa wakalenga muntu, kumulenga mucikoshanyo cakwe mwiine. Wakalenga musankwa amwanakashi.

Matalikilo 2:6

Nacibi boobo maanshi akalinga kuswa panshi, aboobo bulongo bwakalinga kutontola kumaanshi ayo.

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Matalikilo 3:23

Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita.

Matalikilo 7:22

Shoonse shakalinga kuyoya pacishi ca panshi shakafwa.

Jobo 27:3

kulilabo na noociyoya, ndushinisho kulilabo Lesa kaacimpa buumi,

Jobo 33:4

Mushimu wakwe Lesa ngowakanenga, ee, muuya wa Shinkusu shoonse ngoompa buumi.

Jobo 33:6

Webo anebo tulyeelenebo pameenso akwe Lesa. Soonse sobilo twakabumbwabo kuswa kubulongo.

Jobo 4:19

Ino inga ceela kuli kubantu bakaswa kubulongo, abo bakaswabo kulusuko bashanyonwabo anga nkabambala?

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 103:14

Ceebo ulishi mbwaakatulenga, ulishi ayi twakaswa kubulongo.

Tushimpi 20:27

Buumi bwa muntu ndilampi lya mwaami Lesa, lilamunikila pali poonse mumubili wa muntu.

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Shikushimikila 3:7

Kuli ciindi cakukwamuna aciindi cakutunga. Kuli ciindi cakukutumana aciindi cakwaamba.

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Esekelo 37:5

Waalwiite ayi nebo neMwaami Lesa Shinkusu shoonse ndaamba ayi, ‘Ndaakumufulita muuya muli ndimwe amwebo mulaakuba abuumi.

Esekelo 37:6

Kuswawaawo ndaakumubika mishisa, nyama alimwi akumufwekelesha cikanda. Ndaakumufulita muuya muli ndimwe amwebo mulaakuba abuumi. Lyalo ndyeshi mukeshibe ayi nebo ndi Mwaami Lesa.’ ”

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 27:16

“NoBaami baLesa, nomatalikilo a buumi boonse, ndaseenga ayi musale musankwa uyo weenga watanjilila bantu aba

Joni 20:22

Lyalo wakabayoyela akubaambila ayi, “Amutambule Mushimu Usalashi.

Milimo ya Batumwi 17:25

Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.

Bene Loma 9:20

Ino webo ndiwaani kwaamba ayi upikishanye aLesa? Sa nongo inga yaambila wakeebumba ayi, “Wakamumbilanshi bobulya?”

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

1 Bene Kolinto 15:47

Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

1 Timoti 2:13

Ceebo Adamu wakataanguna kulengwa, lyalo pesule Efa.

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!