Matalikilo 18:6 - Baibo Busansulushi Bwa Libuku Ili

⁶ Abulaamu wakeenda cakufwambaana wenjila mutente akwaambila Saala ayi, “Endesha nyamuna fulaulo wako wiindaawo kubota upange shinkwa.”

Matalikilo 18:6 ပူးပေါင်းရင်းမြစ်များ

Matalikilo 18:5

Ntooletaawo atwakulya tweshi tumupeeko nkusu shakutolelela lweendo lwanu. Mwampa bulemu kwisa paŋanda yangu, ono amuleke mutebete.” Mpeeke bakakumbula ayi, “Twalumba, amucite mbomwaamba.”

Matalikilo 18:7

Mpeeke wakacicila kulitanga lya ŋombe, waya wasalawo moombe wacimoofu alimwi wiinite akupa musebenshi alakwe weendesha wamubamba.

Matalikilo 19:3

Loti wakatolelela kubasenga, lyalo kumamanino bakasumina kuyaakwe kuŋanda. Mpeeke Loti wakapanga cimaande akubambila beensu cakulya cibotu. Ndicakabambwa bakalya.

2 Samwelo 13:6

Aboobo Amunoni wakabeca kuciswa. Mwaami Defedi ndyaakesa mukumubona, Amunoni wakaamba ayi, “Ndisuni Tama nankashi yangu ese ampangileko shinkwa ubotu kuno kaamubwene alimwi antebete mwiine.”

Kulumbaisha 119:60

Ndafwambaana kucita kweelana amilawo yanu, ncakwiila nshishingooki napaceyuubo.

Isaya 32:8

Sombi muntu ulemekwa ngooyo ushomeka, alimwi ushimpa mukusuminisha shiluleme.

Mateyo 13:33

Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

Milimo ya Batumwi 16:15

Ndyaakamana kubombekwa abantu abo mbaakalinga kwikalaabo muŋanda yakwe, wakatwiita soonse ayi, “Mbuli mbomwasumina ayi ndashooma amoyo wangu woonse muMwaami Jesu katiya kuŋanda yangu.” Lyalo wakatukombelela ayi tuye.

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

1 Pita 4:9

Pakufwakashilana mumaandaanu amutambulane cakutatongooka.

Boomboloshi 6:19

Mpomunyaawo Gidyoni wakaya kuŋanda mukuteleka mwanaampongo acimaande ca fulaulo ukwana makilogilamu ali likumi. Nyama wakaibika mumutaanga, musushi walo wakaubika mukanongo akuleta kunembo lya munjelo wa Mwaami Lesa munshaacisamu ca mubanga.

1 Samwelo 28:24

Mwanakashi uyo wakalinga kucite moombe wiinite abuumbi uyo ngwaakacaya peenka apo. Wakabwesa afulaulo, waukanda akupanga cimaande.