Matalikilo 18:27 - Baibo Busansulushi Bwa Libuku Ili

²⁷ Abulaamu wakabooshaawo alimwi ayi, “NoBaami baLesa, ndaseenga mundekelele kutolelela kwaamba amwebo. Nebo ndibo anga ndusuko nabi milota alimwi nshicite nkusu shakwaamba cili coonse.

Matalikilo 18:27 ပူးပေါင်းရင်းမြစ်များ

Matalikilo 18:28

Cimwi ciindi inga kamulibo bali makumi one abosanwe batacite milandu kuteshi bali makumi osanwe. Sa mutoonyonyoola ndabala ceebo ca bosanwe babulila?” Mwaami Lesa wakakumbula ayi, “Teshi nyonyoole ndabala na ncaneemo bali makumi one abosanwe batacite milandu.”

Matalikilo 2:7

Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Esila 9:6

Lyalo ndakapaila ayi, ‘NobaLesa bangu, ndicite nsoni abuumbi kwiinuna mutwi pameenso anu mukwiinga shibiibi shesu shafula abuumbi, ncakwiila shilishikite kale kwiculu.

Jobo 30:19

Wansowela panshi mumatipa. Ndababo anga ndanana lusuko nabi milota.

Jobo 4:19

Ino inga ceela kuli kubantu bakaswa kubulongo, abo bakaswabo kulusuko bashanyonwabo anga nkabambala?

Kulumbaisha 144:3

Nobaami baLesa, anu muntu nciinshi ngweenga kamuyeeya? Muntubo nciinshi cakwaamba ayi kamumulama?

Kulumbaisha 8:4

anu muntu nciinshi ngweenga kamuyeeya? Muntubo nciinshi cakwaamba ayi kamumulama?

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Luka 5:8

Ndyaakabona boobo, Simoni Pita wakafukama kunembo lyakwe Jesu akwaamba ayi, “Amunshiiye Nkambo, mukwiinga ndimucita shibi!”