Matalikilo 18:23 - Baibo Busansulushi Bwa Libuku Ili

²³ Lyalo Abulaamu wakasena kuMwaami Lesa akwiipusha ayi, “Sa mutoonyonyoola cancinencine bacite milandu abatacite?

Matalikilo 18:23 ပူးပေါင်းရင်းမြစ်များ

Matalikilo 18:24

Ino na muli bali makumi osanwe batacite milandu, sa mutoonyonyoola ndabala yoonse? Sa teshi mukailekelele kwaamba ayi mupulushe baabo bali makumi osanwe?

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Matalikilo 20:4

Sombi Abimeleki ciindi ico kaatana kumushika pamubili, mpeeke wakaamba ayi, “Ono nebo Nkambo nshicite mulandu! Ono sa muncaaye abantu bangu?

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

Jobo 34:17

Sa ncakwiila uyo upatite bululami inga weendelesha? Sa webo utoopa mulandu Lesa Shinkusu shoonse ululeme?

Jobo 8:3

Sa Lesa uloombolosha cakunyengelela? Sa Shinkusu shoonse ulaalilwa kucita shiluleme?

Kulumbaisha 73:28

Sombi nebo ndikondetwe kuba pafwaafwi aLesa. Mwaami Lesa Shinkusu shoonse waba nceciyubilo cangu. Ncakwiila nebo ndaakushimikila shamicito yakwe yoonse.

Kulonga 23:7

Mutabekeshi muntu shikani, nabi kupingula ayi muntu utacite mulandu acaikwe, mukwiinga ndaakupa mulandu muntu woonse ucita cibiibi ca mushobo wooyu.

Jelemiya 30:21

Mutanjilili wabo ulaakunooli mwine mishaabo. Ncakwiila muleli wabo ulaakuswa pakati kabo. Ndaakumusenya pafwaafwi alakwe ulaakuba muliimfwa lyangu, ceebo taaku weenga waliyuminisha kunsena pafwaafwi na nshina kumwiita.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

Jemusi 5:17

Amubone Elija wakalinga muntu bweenka mbuli ndiswe. Wakapaila kuswa kuunshi kwa moyo kwaamba ayi mfula italoki, ncakwiila taikwe kuloka kwamyaaka yotatwe amusa.