Matalikilo 18:19 - Baibo Busansulushi Bwa Libuku Ili

¹⁹ Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Matalikilo 18:19 ပူးပေါင်းရင်းမြစ်များ

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 17:9

Lesa wakaambila Abulaamu ayi, “Awebo ulyeelete kusumina ayi ulaakulama cipangano cangu, pantu pomwi abamulunyungu lwako abo beshi bakabeeko kunembo.

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 35:2

Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

2 Samwelo 22:22

Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

2 Samwelo 7:20

“Anu nebo neDefedi inga ndaambanshi acimwi? Mukwiinga mwebo mulinshi kabotu nebo nemusebenshi wanu, noBaami baLesa Beshinkusu shoonse.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

2 Makani 14:3

Wakakushamo shipaililo sha bakunsengwe, kunyonyoola misena yakulambililaako ya patulundu, kupwaya macinko asalalite akutimboola shikoshanyo shakwe Ashela lesa mwanakashi.

Neyemiya 9:7

“Mwebo noBaami baLesa, mwakasala Abulamu akumukusha kuUli mucishi ca bene Babiloni. Mwakasandula liina lyakwe kunookwiitwa ayi Abulaamu.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 11:4

Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

Tushimpi 22:6

Iisha mwaana nshila njaaelete kweendelamo, kwaamba ayi aakukomena atakaswiimo.

Isaya 38:19

Anu boomi, ee, boomi mbobamulumbaisha bweenka mboontoomulumbaisha bulya. Bamashali balaambila bana babo shakushomeka kwanu.

Bene Lefi 14:42

Lyalo mabwe amwi alyeelete kusebenseshekwa pamusena wa aayo akaswaako alimwi akusebensesha bulongo bumwi bwakushingusha lubumbu.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Mateyo 25:17

Alakwe wabili bweenka, wakacaninawo shuulu shobilo alimwi.

Joni 10:14

Nebo ndi mweembeshi mubotu, ndishi mbelele shangu ashalo shilinshi.

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Milimo ya Batumwi 27:31

Sombi Paulo wakaambila mutanjilili wa bashilumamba mwaanda alimwi abashilumamba mbwaakalingaabo ayi, “Na basebenshi beshikubona bwaato aba basweemo mubwaato muno, teshi mupulukeewo.”

Bene Efeso 6:4

Amwebo nobashali, mutanoolela bana banu munshila yakubakalasha. Sombi mulyeelete kubalela cakunoobeeisha akubalwiita nshebeelete kucita mubwikaalo bwa bwine Klistu.

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.

1 Timoti 3:12

Bacafwi ba coonde balyeelete kuba bantu beebete mwanakashi womwi womwi, beendelesha kabotu bana babo abamumaanda abo.

2 Timoti 1:5

Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Boomboloshi 13:12

Mpeeke Manowa wakamwiipusha alimwi ayi, “Ono isho nshemwakaamba shaakucitika, mwaana uyo ulaakwikala buuminshi? Alimwi ulaakunoocitanshi?”