Matalikilo 17:10 - Baibo Busansulushi Bwa Libuku Ili

¹⁰ Webo abamulunyungu lwako mulyeelete kusumina kupalula basankwa boonse pakati kanu.

Matalikilo 17:10 ပူးပေါင်းရင်းမြစ်များ

Matalikilo 17:11

Kuswa sunu mulyeelete kupalulwa kwaamba ayi cibe citondesho ca cipangano pakati kanu anebo.

Matalikilo 17:23

Pabushiku bweenka ubo Abulaamu wakacita bwakamulwiita Lesa akupalula mwanaakwe Ishimaeli alimwi abasankwa bamwi boonse bamuŋanda yakwe, pantu pomwi abasha boonse bakashalilwa muŋanda yakwe alimwi abaabo mbaakoolabo.

Matalikilo 17:27

pantu pomwi abasha bakwe Abulaamu boonse.

Matalikilo 21:4

Isaki ndyaakaba anshiiku shosanwe ashotatwe, Abulaamu wakapalula mwaana uyo kweelana aLesa mbwaakalasha.

Matalikilo 34:15

Inga twasuminabo na caba cakwaamba ayi mwebo mwaba mbuli ndiswe mukupalula bansankwa boonse pakati kanu.

Matalikilo 34:22

Sombi bantu abo balaakusumina kwikala aswebo akuba bantu bamushobo womwi andiswe, kulilabo na twaba mbuli mbabo kwiinda mukupalula basankwa boonse pakati kesu.

Kulonga 12:48

Sombi taaku musankwa utana kupalulwa ngweenga walyaako. Na muswamashi ngomwikalaakwe utooyanda kulya cakulya ca bushiku bwa Pasika bwakwiibaluka kusotokela ayi alemeke Mwaami Lesa, mulyeelete kutaanguna kupalula basankwa boonse muŋanda yakwe. Kuswawaawo inga waba anga ngumwine Isilaeli, lyalo inga wasekelelaako.

Kulonga 4:25

Sombi Sipola mukaakwe, wakabwesa libwe likolete akupalula mwanaakwe, alimwi akucatisha Mose kumyeendo acikanda ico akwaamba ayi, “Uli ibaangu ceebo ca bulowa.”

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Joni 7:22

Mose wakamupa mulawo ayi munoopalula bana banu basankwa (nabi tookwe kuswa kuli Mose, sombi wakaswa kubakulukulu) aboobo mulapalula mwaana musankwa pabushiku bwakookesha bwa Cibelu.

Milimo ya Batumwi 7:8

Lyalo Lesa wakalwiita Abulaamu ayi anoopalula baana basankwa kwaamba ayi cibe citondesho ca cipangano. Paceebo ceeco Abulaamu wakapalula Isaki mwanaakwe ndyaakaba anshiiku shili shosanwe ashotatwe. Isaki alakwe wakapalula Jakobo mwanaakwe, alakwe Jakobo wakapalula bana bakwe basankwa bali likumi abobilo abo bamashali besu bakulukulu.

Bene Loma 2:28

Shoonse ishi shitoosansulula ayi muJuda wancinencine teshi wooyo uliboneshabo kubantu ayi ngumuJuda. Akwalo kupalulwa kwancinencine teshi kooko bantu nkobacita kumibili, sobwe.

Bene Loma 3:25

Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.

Bene Loma 3:28

Paceebo ceeci tulaamba ayi muntu ulalulamikwabo kwiinda mulushomo, kuteshi kukonkela Milawo, sobwe.

Bene Loma 3:30

Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Galatiya 6:12

Abo boonse basuni kulibotesha kubantu, mbobatoomukakatisha ayi mupalulwe. Ncebacitila boobo nkwaamba ayi batapenshekwi ceebo ca mucilingano wakwe Klistu.

Bene Efeso 2:11

Mwebo nobaswamashi bakunsengwe, amuyeeye mbuli mbomwakalinga kale kale. Bakalinga kumwiita ayi batapalwitwe, balo kabaliita ayi bapalwitwe, (ceebo ca kwishibila kwabo uko nkobacita pamibili yabo.)

Dutolonomi 10:16

Anu aboobo kuswa sunu amutalike kunyumfwila Mwaami Lesa, mucileeke bushicimpamya.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Joshuwa 5:2

Kuswawaawo Mwaami Lesa wakaambila Joshuwa ayi, “Fula shibeshi kuswa kumabwe akupalula bene Isilaeli.”

Joshuwa 5:4

Wakacita boobo mukwiinga boonse abo bakaswa mucishi ca Ijipiti nkokwaamba ayi basankwa bakalinga kucite myaaka isuminishikwa kuba shilumamba, bakafwita muluyanga pakunooswa mucishi ca Ijipiti.