Matalikilo 16:3 - Baibo Busansulushi Bwa Libuku Ili

³ Mpeeke Salai wakamupa Aga ayi abe ngokasuwa wakwe. Ici cakacitika Abulamu kaacite myaaka likumi kwikala muKenani.

Matalikilo 16:3 ပူးပေါင်းရင်းမြစ်များ

Matalikilo 16:16

Paciindi ico Abulamu wakalinga kucite myaaka ili 86.

Matalikilo 16:4

Abulamu wakakumana aAga mpeeke wakamita. Aga ndyaakashiba ayi waba alifumo, wakalisumpula akutalika kusebaanya Salai.

Matalikilo 16:5

Lyalo Salai wakaambila Abulamu ayi, “Ndimwe mwalengesha kwaamba ayi Aga ansebaanye. Nebo nemwiine ndime ndakamupa kuli ndimwe. Ono kuswabo mbwaakashibila ayi wamita, ulansebaanya. Ncibotu, Lesa mwiine aomboloshe akwishiba ululeme pali ndiswe sobilo, mwebo na nebo!”

Matalikilo 21:21

Banyina bakamweebela mwanakashi mwine Ijipiti.

Matalikilo 25:6

Nakubi boobo kaacili muumi baana ba bamakaakwe bamwi wakabapa shipo. Lyalo wakabatuma kucishi ca kwicwe kwaamba ayi bashiye Isaki mwanaakwe eenka,

Matalikilo 28:9

Aboobo wakaya kumwanaakwe Abulaamu wiitwa ayi Ishimaeli akweeba Maalati mwanaakwe, uyo wakalinga nankashi yakwe Nebayoti.

Matalikilo 30:4

Mpomunyaawo wakasuminisha Biluya kwaamba ayi akumane aibaye, alakwe wakakumanaakwe.

Matalikilo 30:9

Ono Leya ndyaakeshiba kwaamba ayi lushalo lwamana, wakapa Silipa mulandakashi wakwe kuli Jakobo ayi abe mbuli mukaakwe.

Matalikilo 32:22

Mashiku eenka ayo Jakobo wakabuka, wabwesa bamakaakwe bobilo, bakasuwa bobilo, abaana bakwe bali likumi awomwi, akusubuka Mulonga wa Jaboku.

Matalikilo 35:22

Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi. Jakobo wakalinga kucite baana bali likumi abobilo.

2 Samwelo 5:13

Ono Defedi ndyaakaswa muEbuloni akuya muJelusalemu, wakabwesa bakasuwa abamwi alimwi akweeba abamwi banakashi, abo bakamushalila baana abamwi basankwa abanakashi.

1 Baami 11:3

Solomoni wakeeba banaabaami bali 700 alimwi wakalinga kucite bakasuwa bali 300. Banakashi abo bakamulengesha kwaamba ayi ashiye nshila yakwe Lesa.

Bene Galatiya 4:25

Aga uleemikanina Kalundu ka Sinayi kali mucishi ca Alebya, alimwi ulikoshenye andabala inene ya Jelusalemu ya cecino ciindi, mukwiinga yalo abantu bekalaamo bali mubusha.