Matalikilo 15:18 - Baibo Busansulushi Bwa Libuku Ili

¹⁸ Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,

Matalikilo 15:18 ပူးပေါင်းရင်းမြစ်များ

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 2:14

Watatu uleetwa ayi Tigilisi, walo ulakunka kwicwe lya cishi ca Asilya. Wane nguYufuletisi.

Matalikilo 24:7

Mwaami Lesa, Lesa wa kwiculu uyo wakankusha muŋanda ya bata mucishi cine misheesu alimwi uyo wakaamba kuli ndime wakashomesha cakulumbila ayi, ‘Bamulunyungu lwako ndaakubapa cishi ici.’ Ulaakutuma munjelo kootana kushika kulya kwaamba ayi ukakonshe kucanina mwanaangu, mwanakashi wakweeba.

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 28:4

Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”

Matalikilo 35:12

Ndaakukupa cishi ncendakapa Abulaamu aIsaki alimwi ndaakucipa abamulunyungu lwako webo waakufwa.”

Matalikilo 50:24

Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”

2 Samwelo 23:5

“Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.

2 Samwelo 8:3

Kuswawaawo Defedi wakakoma Adadesa mwanaakwe Lewobu, mwaami wa cishi ca Soba, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

1 Baami 5:1

Mwaami Ilamu wa kuTaya wakalinga mubye Defedi alimwi ndyaakanyumfwa ayi Solomoni ngowapyana bwaami bwakwe Defedi ishi, wakatuma beshikumwiimikanina kuli nguwe.

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.

1 Makani 5:9

Kulubasu lwa kwicwe bakaya mukwikala mucishi cakweela kwa luyanga ulo luya mukushika kuMulonga wa Yufuletisi mukwiinga shifubwa shabo shakafula mucishi ca Gilyadi.

2 Makani 7:8

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

2 Makani 8:7

Mpeeke bantu batakalinga bene Isilaeli, nkokwaamba ayi Bene Iti, bene Amoli, bene Pelisi, bene Ifi alimwi abene Jebusi abo bakacalaawo.

2 Makani 9:26

Wakalinga kulela bamaami boonse mucishi coonse kuswa kuMulonga wa Yufuletisi kuya mukushika kucishi ca bene Filisiti akumanyinsa a cishi ca Ijipiti.

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

Neyemiya 9:8

Mwakacana kwaamba ayi moyo wakwe wakalinga kushomeka kuli ndimwe akupanga cipangano anguwe. Mwakashomesha kupa bamulunyungu lwakwe cishi ca bene Kenani, bene Iti, bene Amoli, bene Pelisi, bene Jebusi alimwi abene Gegashi. kwaamba ayi cibe cishi cabo. Mwakacita kweelana acipangano canu ceebo mulashomeka.

Kulumbaisha 105:11

Wakaamba ayi, “Ndaakukupa cishi ca Kenani kwaamba ayi cikabe caako.”

Kulonga 13:11

“Mwaami Lesa ulaakumutola mucishi ca bene Kenani, ico ncaakashomesha ndimwe alimwi abamashali banu bakulukulu cakulumbila ayi ndaakumupa,

Kulonga 2:24

alakwe wakabanyumfwa akwiibaluka cipangano cakwe kuli Abulaamu, Isaki alimwi aJakobo.

Kulonga 23:23

Mpomunyaawo munjelo wangu ulaakutanjila kunembo lyanu akumushisha mucishi ca bene Amoli, bene Iti, bene Pelisi, bene Kenani, bene Ifi alimwi abene Jebusi. Boonse abo ndaakubanyonyoola.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Kulonga 34:11

Munookonkela milawo yoonse njeshi mwaambile sunu. Ndaakutanda bene Amoli, bene Kenani, bene Iti, bene Pelisi, bene Ifi alimwi abene Jebusi kunembo lyanu.

Kulonga 34:24

Na nkamane kutanda mishobo iyo kunembo lyanu alimwi akukomenyako cishi canu, taaku nabi womwi ngweshi akeeleshe kukoma cishi canu paciindi cakusekelela uko kucitwa mankanda otatwe.

Kulonga 6:4

Alimwi ndakapanganaabo ayi ndaakubapa cishi ca Kenani, umo mobakalinga kwikala anga mbaswamashi.

Kulonga 6:8

Ndaakumutola kucishi ico ncendakashomesha cakulumbila kupa Abulaamu, Isaki alimwi aJakobo. Ono ndaakupa ndimwe kwaamba ayi cikabe cinenu cancinencine. Nebo ndime Mwaami Lesa.’ ”

Isaya 27:12

Pabushiku ubo, Mwaami Lesa ulaakubunganya bantu bakwe womwi awomwi kuswa kuMulonga wa Yufuletisi tibili akunyinsa ya Ijipiti bweenka muntu mbwaapupulusha witi ayi upansaane abuungu.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Jelemiya 32:22

Kuswawaawo mwakabapa cishi ici muli bubile abulongo bubotu kweelana ambomwakashomesha bamashali babo bakulukulu.

Jelemiya 32:40

Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.

Bene Lefi 26:42

ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.

Bene Lefi 26:45

Ndaakwiibaluka cipangano ico ncendakapanga abamashali babo bakulukulu, ndindakabonesha nkusu shangu kumishobo yoonse kwiinda mukukusha bantu bangu mucishi ca Ijipiti ayi nebo inga ndaba Lesa wabo. Nebo ndime Mwaami Lesa.”

Shakubelenga 34:5

uko nkweshi akapetukile kucinyika cili kunyinsa ya cishi ca Ijipiti alimwi akuya mukweela kuLweenge lwa Mediteleniyani.

Milimo ya Batumwi 7:5

Paciindi ico Lesa kaatana kumupa cishi naciceyi, sombi wakamushomesha ayi ulaakupa cishi ici kuli nguwe alimwi alunyungu lwakwe nakubi kwaamba ayi taakalinga kucite mwaana.

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Dutolonomi 12:20

“Na Mwaami Lesa, Lesa wanu akakomenye cishi canu, kweelana ambwaakashomesha, mulaakunoolya nyama ciindi cili coonse ncemusuni.

Dutolonomi 19:8

“Na Mwaami Lesa, Lesa wanu akanungeeko acimwi cishi, kweelana ambwaakashomesha cakulumbila kubamashali banu bakulukulu,

Dutolonomi 34:4

Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Joshuwa 15:4

Kuswa kooko yakaya mukwiinda kuAsimoni akwinjila mukalonga panyinsa ya Ijipiti akuya mukweela kuLweenge lwa Mediteleniyani. Iyi njenyinsa ya bene Juda yakalinga kulubasu lwakumalenge.

Ciyubululo 9:14

Liswi ilyo lyakalinga lyakwaambila munjelo wasanu awomwi ayi, “Angulula baanjelo bone balya baangitwe kuMulonga unene wa Yufuletisi.”