Matalikilo 15:17 - Baibo Busansulushi Bwa Libuku Ili

¹⁷ Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama.

Matalikilo 15:17 ပူးပေါင်းရင်းမြစ်များ

Matalikilo 15:10

Abulamu wakaleta banyama abo, wakabatimbula pakati akubika shipimpita shilya lubamba mumindando yobilo. Nakubi boobo bayuni taakwe kubatimbula.

2 Samwelo 22:9

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

1 Baami 18:38

Lyalo peenka apo Mwaami Lesa wakatuma mulilo panshi. Wakatenta mulambu, nkuni, mabwe abulongo akuyuminisha maanshi oonse akalinga mucilindi.

1 Makani 21:26

Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Isaya 62:1

Ceebobo cakusuna Siyoni teshi ncale mulomo. Ee, ceebobo cakusuna Jelusalemu teshi ngumuneewo, kushikila bululami bukabale anga ncitubilishi cakumuyamaca, alimwi alwalo lupulusho lukamunike anga ncimunimweenge.

Jelemiya 11:4

Nkokwaamba ayi cipangano ico ncendakapanga abamashali banu bakulukulu ndindakabakusha muIjipiti. Cishi ico cakalinga anga mumunyumbi mutoonyaka mulilo kuli mbabo.’ Ndakabaambila ayi, ‘Amunyumfwile akucita shoonse nshendamwaambila, ingaawo mukabe bantu bangu anebo ndyeshi nkabe Lesa wanu.

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Boomboloshi 13:20

Ono bwiishi ndibwakaya mwiculu kuswa pacipaililo, munjelo uyo wakaya kwiculu mubwiishi ubo. Ingayi Manowa amukaakwe babone boobo, bakafukama cakushisha shiwa panshi.

Boomboloshi 6:21

Mpomunyaawo munjelo wa Mwaami Lesa wakatondeka nkoli njaakalinga kucite mulyaansa lyakwe akwiishisha panyama acimaande. Mpeeke mulilo wakaswa mulibwe akutenta nyama iyo acimaande. Kuswawaawo munjelo wakashimingana.