Matalikilo 1:22 - Baibo Busansulushi Bwa Libuku Ili

²² Lyalo Lesa wakashipa coolwe akwaamba ayi, “Amushalane, mufule alimwi musushe maanshi a mulweenge, abalo bayuni bafule mucishi ca panshi.”

Matalikilo 1:22 ပူးပေါင်းရင်းမြစ်များ

Matalikilo 1:21

Aboobo Lesa wakalenga banyama banene ba mulweenge ashintu shoonse shuumi, alimwi sheenda isho shakafula mumaanshi kweelana amushobo wa comwi acomwi, abayuni bauluka abalo kweelana amushobo wa mbabo. Mpeeke Lesa wakabona kwaamba ayi shintu ishi nshibotu.

Matalikilo 1:23

Mpeeke kwakaba macolesha amacuunsa, ubu bwakaba mbushiku bwasanu.

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 30:27

Labani wakaamba ayi, “Aŋambe bobulya, kwiinda mukusonda, caboneka patuba kwaamba ayi Mwaami Lesa wampa coolwe ceebo ca ndimwe.

Matalikilo 30:30

Isho shiniini nshemwakalinga kucite kataanshi shafula abuumbi, alimwi Mwaami Lesa wamupa coolwe kuli koonse nkondakalinga kubete ceebo ca ndime. Ono bulya ndyeelete mbone shaangu anebo.”

Matalikilo 35:11

Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami.

Matalikilo 8:17

Kusha bayuni abanyama boonse kwaamba ayi bakashalane alimwi akumwaika koonse koonse pacishi ca panshi.”

Matalikilo 9:1

Lesa wakapa coolwe Nowa abana bakwe basankwa akwaamba ayi, “Amushale baana baanji kwaamba ayi bamulunyungu lwako bakekaale koonse koonse mucishi ca panshi.

Jobo 40:15

“Bona mfubu njendakalengela pantu pomwi andiwe iyo ilyabo bwiisu anga ngumusune.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Kulumbaisha 107:31

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Kulumbaisha 128:3

Mukaako ulaakuba anga ngumunyansa ucata bunene muŋanda yako. Bana bako basankwa balaakuba anga ninsoonseela sha maolifi kushinguluka tebulu yako.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Bene Lefi 26:9

Nebo ndaakumupa coolwe abaana baanji alimwi ndaakulama cipangano cili pali ndimwe anebo.