Matalikilo 1:16 - Baibo Busansulushi Bwa Libuku Ili

¹⁶ Lesa wakalenga mimuni inene yobilo, lisuba kwaamba ayi linokweendelesha malumwi, amweenshi ayi unokweendelesha mashiku. Alimwi wakalenga anyenyeenshi.

Matalikilo 1:16 ပူးပေါင်းရင်းမြစ်များ

Matalikilo 1:15

Mimuni iyo aibe mumusena ufongomene uyo kwaamba ayi inoomunikila cishi ca panshi.” Mpeeke kwakaba bweenka ubo.

Jobo 31:26

Nshikwe kulambilawo lisuba mubulemu bwa ndilyo, nabi kulemeka mweenshi mububotu bwa nguwo.

Jobo 38:7

Sa wakalingaako nyenyeenshi sha kumuyamaca ndishakalinga kwiimba abaanjelo ba kwiculu ndibakalinga koolobesha cakusangalala?

Kulumbaisha 148:3

Amumulumbaishe nolisuba amweenshi. Amumulumbaishe noonse nonyenyeenshi shibala.

Kulumbaisha 148:5

Shoonse ashilumbaishe liina lya Mwaami Lesa ceebo shakalengwa kwiinda muliswi lyakwe.

Kulumbaisha 19:6

Lilaswa kweela liculu komwi, akucilingana kuya mukweela kumwi. Taaku ciyuba cikasaashi ca ndilyo.

Kulumbaisha 74:16

Ndimwe mwakalenga malumwi amashiku Mwakabika lisuba amweenshi pamusena wa nshisho.

Kulumbaisha 8:3

Ndimbona mwiculu umo momwakalenga, mweenshi anyenyeenshi nshimwakabika mumisena,

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Isaya 24:23

Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Abakuku 3:11

Lisuba amweenshi shakacileka kweenda ndishakabona kubekooka kwa mifwi yanu akubekabeka kwa lisumo lyanu.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Mateyo 27:45

Lisuba ndilyakashika pakati ka mutwi, kwakaba munshinshe mucishi coonse kushikila 3 koloko malumwi.

1 Bene Kolinto 15:41

Bulemu bwa lisuba mbumbi, bwa mweenshi mbumbi abwalo bwa nyenyeenshi mbumbi. Bulemu bwa nyenyeenshi yomwi ayomwi bulipusene.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.