Matalikilo 1:14 - Baibo Busansulushi Bwa Libuku Ili

¹⁴ Kuswawaawo Lesa wakaamba ayi, “Akube mimuni mumusena ufongomene kwiculu ayi ipansaanye malumwi amashiku, alimwi akwaamba ayi shibe shitondesho sha shiindi, inshiku amyaaka.

Matalikilo 1:14 ပူးပေါင်းရင်းမြစ်များ

Matalikilo 1:13

Lyalo kwakaba macolesha amacuunsa, ubu bwakaba mbushiku bwatatu.

Matalikilo 1:15

Mimuni iyo aibe mumusena ufongomene uyo kwaamba ayi inoomunikila cishi ca panshi.” Mpeeke kwakaba bweenka ubo.

Matalikilo 8:22

Ono kulilabo cishi kaciciliiko, kunanooli ciindi ca kushanga akutebula. Kunanooli kutontola akulungula, cilimo amupewo, malumwi amashiku.”

Matalikilo 9:13

ntoobika nkongolo yangu mumakumbi. Citooba citondesho ca cipangano cangu acishi ca panshi.

Jobo 25:3

Anu ngani weenga wakonsha kubelenga baanjelo bakwe? Anu ngani utamunikilwi amumuni wakwe?

Jobo 25:5

Ono na mweenshi kuli nguwe toobalishi, ashalo nyenyeenshi shilicite tumpenda pameenso akwe,

Jobo 3:9

Ntanda itakabaliiwo pabushiku ubo, ncakwiila bushiku ubo butakaciiwo.

Kulumbaisha 119:91

Milawo yanu nkooicili asunu, ceebo shintu shoonse shilamusebensela.

Kulumbaisha 148:3

Amumulumbaishe nolisuba amweenshi. Amumulumbaishe noonse nonyenyeenshi shibala.

Kulumbaisha 148:6

Wakashibika mumisena ya nshisho tibili muyayaya. Wakashibikila mulawo uyo weshi ukabule kumana.

Kulumbaisha 150:1

Amulumbaishe Mwaami Lesa! Amulumbaishe Mwaami Lesa mumusena wakwe usalalite. Amumulumbaishe uyo uli mwiculu lyakwe lyankusu.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Jelemiya 10:2

Lakwe utokwaamba ayi, “Muteeyi nshila sha mishobo imwi. Mutaloondi ceebo ca shitondesho shiboneka mwiculu. Ee, kutaloonda nabi mishobo imwi yatutuma kuboowa.

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Jelemiya 33:20

“Ndakapanga cipangano amalumwi alimwi amashiku kwaamba ayi kashisa paciindi ceelete lyoonsebo. Cipangano ici teshi cikapwaikweewo.

Jelemiya 33:25

Sombi nebo neMwaami Lesa ndakapanga cipangano amalumwi alimwi amashiku. Nebo ndime ndakapanga milawo iyo yeendelesha cishi ca panshi aliculu.

Esekelo 46:1

Mwaami Lesa Shinkusu shoonse wakaamba ayi, “Mwinjililo wakwicwe uya kulubansa lwa mukati ulyeelete kunoocalitwebo panshiku shosanwe abomwi shakusebensa akucalulwa pabushiku bwakookesha bwa Cibelu alimwi apabushiku bwakusekelela Mweenshi Upya.

Esekelo 46:6

Pabushiku bwakusekelela Mweenshi Upya, ulyeelete kubenga mucende mwaana, bana ba mbelele bali bosanwe awomwi alimwi ambelele isankwa, shoonse kashitacite tumpenda.

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Jowelo 3:15

Lisuba amweenshi shilaakushiyabo mbi ashalo nyenyeenshi shilaakucileka kubala.

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Amosi 8:9

Pabushiku ubo ndaakulengesha lisuba kutabala lyakuba pakati ka mutwi akulengesha kuba munshinshe kalicilibo malumwi. Nebo neMwaami Lesa Shinkusu shoonse ndaamba.

Mateyo 2:2

“Uli kuli mwaana washalwa uyo mwaami wa baJuda? Twabona nyenyeenshi yakwe kwicwe, aboobo twesa mukumulambila.”

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Maako 13:24

“Sombi munshiku isho, mapensho na akamaane, lisuba lilaakubabo munshinshe, mweenshi ulaakucileka kumunika,

Luka 23:45

Lyalo cisani cakalinga kushitilisha muŊanda yakwe Lesa cakakwamuka pakati.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.

Ciyubululo 9:2

Nyenyeenshi yakacalula cilindi citeeli ici, mpeeke mwakaswa bwiishi ubo bwakalingabo anga butooswa mumunyumbi unene. Mumuni wa lisuba alimwi amuuwo shakaboolabo mbi ceebo ca bwiishi bwakalinga kuswa mucilindi citeeli.