Malilo 5:19 - Baibo Busansulushi Bwa Libuku Ili

¹⁹ NoBaami baLesa, ndimwe mulela kwalyoonse alyoonse, cuuna canu cabulemu cilalela kuswa kulishalane lyomwi kushikila akulimwi.

Malilo 5:19 ပူးပေါင်းရင်းမြစ်များ

Kulumbaisha 10:16

Ono Mwaami Lesa, nguMwaami lyoonse alyoonse. Abo balambila balesa bamwi balaakuloba mucishi cakwe.

Kulumbaisha 102:12

Sombi noBaami baLesa, muli Baami kwamuyayaya, bamumashalane boonse balaakumwiibaluka lyoonse.

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Kulumbaisha 146:10

Mwaami Lesa ngumwaami walyoonse alyoonse. Ee, Lesa wako oSiyoni ngoolela mumashalane oonse. Amulumbaishe Mwaami Lesa!

Kulumbaisha 29:10

Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

Kulumbaisha 45:6

Bwaami ubo bwakamupa baLesa mbwa lyoonse alyoonse. Mubweene bwanu mulaakweendelesha bantu banu cabululami.

Kulumbaisha 9:7

Mwaami Lesa, nguMwaami wa lyoonse alyoonse, alimwi ulibambite kale cuuna cakwe ayi oomboloshe.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Kulumbaisha 93:2

NoBaami baLesa cuuna canu ca bwaami cakabambwabo kalekale. Mwebo nkomuli kuswabo lili alili.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Abakuku 1:12

NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.

Joni 1:38

Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.)

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Ciyubululo 1:4

Ndime Joni nentoolembela ndimwe noshoonde shosanwe ashobilo shili mucishi ca Esha. Lesa uyo uliiwo, wakalingaawo alimwi weshi akanooliiwo amupe luse aluumuno. Ayalo mishimu yosanwe ayobilo ili kunembo lya cuuna cakwe ca bwaami imupe luse aluumuno.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.