Malilo 5:14 - Baibo Busansulushi Bwa Libuku Ili

¹⁴ Bamaloba bamana kuswaako kuminjililo ya ndabala. Abalo bacikula bwangu bacileka kwiimba nyimbo.

Malilo 5:14 ပူးပေါင်းရင်းမြစ်များ

Jobo 30:1

Sombi sunu banike kuli ndime batoonseka. Bamaishiwabo tebakalinga kweelelwa akucafwa bakabwa bangu kweembela mbelele.

Jobo 30:31

Kalumbu kangu kaba kakulishishako nyimbo sha buumba awalo mutoolilo wangu utokwiimbabo nyimbo sha malilo.

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Jelemiya 25:10

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga, kulila kwa mpelo alimwi amumuni wa malampi.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 1:4

Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Esekelo 26:13

Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.

Osiya 2:13

Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.

Dutolonomi 16:18

“Mukasale boomboloshi alimwi abacinenenene bamwi mumukowa wanu womwi awomwi mumandabala ayo Mwaami Lesa, Lesa wanu ngweshi akamupe. Bantu abo balyeelete kunokoombolosha cakutasalulula.

Ciyubululo 18:22

Maswi a beshitulumbu abeshikwiimba, beshimitolilo alimwi a beshimapeenga teshi bakanyumfwikeewo alimwi muli ndiwe! Taaku musebenshi wa mulimo uli woonse eshi akacanike muli ndiwe alimwi. Teshi mukanyumfwikeewo akulila kwa mpelo muli ndiwe alimwi!